Category: తెలంగాణ

వెల్దండ:మండల పరిధిలోని గానుగట్టు తండా గ్రామపంచాయతీ పరిధిలోని పుష్కబోడు తండాలో గిరిజనుల ఆరాధ్యదైవం ముత్యాలమ్మ దేవాలయ నిర్మాణానికి మాజీ సర్పంచ్ పత్యానాయక్ రూ.1.05 లక్షల విరాళం అందించారు. ఆలయ నిర్మాణానికి తన వంతు సహకారం అందించడం సంతోషంగా ఉందని తెలిపారు. మరింత మంది దాతలు ముందుకు వచ్చి ఆలయ నిర్మాణానికి సహకరించాలని కోరారు. విరాళం అందించిన పత్యానాయక్‌కు తండా ప్రజలు, ఆలయ నిర్వాహకులు కృతజ్ఞతలు తెలిపారు.

జిల్లా సమన్వయ కమిటీ కో-కన్వీనర్‌గా మట్ట మదన్ గౌడ్కల్వకుర్తి: కల్వకుర్తి విద్యానగర్‌లోని యూటీఎఫ్‌ భవన్‌లో జరిగిన జిల్లా కల్లుగీత సహకార సంఘాల అధ్యక్షుల సమావేశంలో మట్ట మదన్ గౌడ్‌ను జిల్లా సమన్వయ కమిటీ కో-కన్వీనర్‌గా ఏకగ్రీవంగా ఎన్నుకున్నారు.ఈ సందర్భంగా ఆయన మాట్లాడుతూ.. సంఘం బలోపేతానికి కృషి చేస్తానని పేర్కొన్నారు. అనంతరం ఎన్నిక చేసిన కమిటీ సభ్యులకు ఆయన అభినందనలు తెలిపారు.ఈ సందర్భంగా పలువురు సంఘాల అధ్యక్షులు, ప్రతినిధులు మదన్ గౌడ్‌ను అభినందించారు.

వెల్దండ: వియత్నాం దేశ పర్యటనలో భాగంగా వెల్దండకు చెందిన పలువురు ప్రముఖులు పర్యటించారు. పర్యటనలో భాగంగా తానాంగ్‌ ప్రాంతంలో కేబుల్‌ కార్‌లో ప్రయాణించి అక్కడి ప్రకృతి అందాలను వీక్షించారు.ఈ పర్యటనలో డీసీసీ ఉపాధ్యక్షులు, వెల్దండ మాజీ సర్పంచ్ ఎన్నం భూపతిరెడ్డి, ఆర్యవైశ్య మహాసభ జిల్లా మాజీ అధ్యక్షులు బచ్చు రామకృష్ణ, డివిజన్‌ రెవెన్యూ అధ్యక్షులు సుదర్శన్‌రెడ్డి, రిటైర్డ్‌ ఉపాధ్యాయులు ఎన్నం కృష్ణారెడ్డి పాల్గొన్నారు.