Category: తెలంగాణ

సమతుల్య ఆహారంతోనే సంపూర్ణ ఆరోగ్యం, శారీరక అభివృద్ధి సాధ్యమని సూపర్వైజర్ శ్రీదేవి అన్నారు. పెద్దమడూర్ గ్రామంలో నిర్వహించిన అవగాహన కార్యక్రమానికి ఆమె అధ్యక్షత వహించారు. రోజువారీ ఆహారంలో బియ్యం, గోధుమలు, పప్పులు, గుడ్లు, పాలు, పండ్లు, ఆకుకూరలు, కూరగాయలు, విటమిన్లు, మినరల్స్‌ తప్పనిసరిగా ఉండాలని సూచించారు. నెయ్యి, నూనె వంటి కొవ్వు పదార్థాలను పరిమితంగా తీసుకోవాలని తెలిపారు. కార్యక్రమంలో పంచాయతీ కార్యదర్శి రాధిక, ఆశా, అంగన్‌వాడీ సిబ్బంది, హెల్పర్లు, గర్భిణులు, బాలింతలు పాల్గొన్నారు.

ఎమ్మెల్యే మామిడాల యశస్విని రెడ్డి, టీపీసీసీ వైస్‌ ప్రెసిడెంట్ హనుమాండ్ల ఝాన్సీ రాజేందర్ రెడ్డి ఆధ్వర్యంలో ఎమ్మెల్యే క్యాంపు కార్యాలయంలో నిర్వహించిన గణపతి నవరాత్రి ఉత్సవాలు ఘనంగా ముగిశాయి. పర్యావరణహితంగా ప్రతిష్ఠించిన మట్టి గణపతికి ప్రత్యేక పూజలు నిర్వహించి, డప్పు వాయిద్యాలు, భజనలు, గణపతి నామస్మరణల మధ్య శోభాయాత్రగా నిమజ్జనం చేపట్టారు. భక్తులు పెద్ద సంఖ్యలో పాల్గొని “గణపతి బప్పా మోరియా” నినాదాలతో సందడి చేశారు. మట్టి గణపతులనే ప్రతిష్ఠించాలని ఝాన్సీ రాజేందర్ రెడ్డి పిలుపునిచ్చారు.

దేవరుప్పుల మండలంలోని గుడిచెరువు నిమజ్జన స్థలాన్ని డీసీపీ (వెస్ట్)తో పాటు వర్ధన్నపేట ఏసీపీ, పాలకుర్తి సీఐ బుధవారం పరిశీలించారు. నిమజ్జన కార్యక్రమంలో ఎలాంటి అవాంఛనీయ ఘటనలు చోటుచేసుకోకుండా పటిష్ట బందోబస్తు ఏర్పాటు చేయాలని అధికారులకు సూచించారు. నిమజ్జన ప్రదేశంలో బారికేడింగ్, లైటింగ్ ఏర్పాట్లను పకడ్బందీగా చేపట్టాలని ఆదేశించారు. భక్తులకు ఇబ్బందులు కలగకుండా అవసరమైన అన్ని భద్రతా చర్యలు తీసుకోవాలని సూచించారు.

బీఆర్ఎస్ పార్టీ కార్యకర్తలను కంటికి రెప్పలా కాపాడుకుంటానని మాజీ మంత్రి ఎర్రబెల్లి దయాకర్ రావు అన్నారు. బుధవారం పెద్దమడూరు గ్రామంలో ఇటీవల మృతి చెందిన బీఆర్ఎస్ సీనియర్ నాయకులు గనుపాక శ్రీనివాస్, పానుగంటి సాయిలు, గోడిశాల సుశీల, గనుపాక ఐలమ్మ కుటుంబాలను పరామర్శించి సంతాపం తెలిపారు. అనారోగ్యంతో చికిత్స పొందుతున్న శ్యామల సుధాకర్ రెడ్డి, దుబ్బ రాజశేఖర్, రేగుల స్వామిదాస్, రుద్రోజు యాదగిరి, నాగిళ్ల జాశివలను పరామర్శించారు. కార్యకర్తలకు పార్టీ అండగా ఉంటుందని భరోసా కల్పించారు. కార్యక్రమంలో…