రామారెడ్డి పీహెచ్‌సీలో డీఎంహెచ్‌ఓ ఆకస్మిక తనిఖీ
- రామారెడ్డి పీహెచ్‌సీలో డీఎంహెచ్‌ఓ ఆకస్మిక తనిఖీ - October 8, 2026
- జ్యూట్ బ్యాగుల తయారీపై ఉచిత శిక్షణకు దరఖాస్తుల ఆహ్వానం - October 7, 2026
- SAM, MAM పిల్లలకు IFA సిరప్.. పోషకాహారంపై అవగాహన - October 7, 2026
రామారెడ్డి: కామారెడ్డి జిల్లా రామారెడ్డి మండల కేంద్రంలోని ప్రాథమిక ఆరోగ్య కేంద్రాన్ని జిల్లా వైద్య, ఆరోగ్య శాఖ అధికారి డాక్టర్ వెంకట్ బుధవారం ఆకస్మికంగా తనిఖీ చేశారు. ఆసుపత్రిలోని వివిధ విభాగాలను పరిశీలించిన ఆయన సిబ్బంది హాజరు, రోగులకు అందుతున్న వైద్య సేవలు, మందుల లభ్యత, వైద్య సదుపాయాలు, ఆసుపత్రి పరిసరాల పరిశుభ్రత తదితర అంశాలను పరిశీలించారు.
ఈ సందర్భంగా ఆసుపత్రికి వచ్చే రోగులకు ఎలాంటి ఇబ్బందులు కలగకుండా మెరుగైన వైద్య సేవలు అందించాలని డీఎంహెచ్‌ఓ సూచించారు. మందులు, అవసరమైన వైద్య పరికరాలు అందుబాటులో ఉండేలా చర్యలు తీసుకోవాలని సిబ్బందికి ఆదేశించారు. ఆసుపత్రి పరిసరాలను ఎప్పటికప్పుడు పరిశుభ్రంగా ఉంచడంతో పాటు, ప్రజలకు అందుబాటులో ఉండే విధంగా వైద్య సేవలను మరింత సమర్థవంతంగా నిర్వహించాలని సూచించారు.
ప్రజల ఆరోగ్య పరిరక్షణలో సిబ్బంది బాధ్యతాయుతంగా విధులు నిర్వహించాలని డాక్టర్ వెంకట్ స్పష్టం చేశారు.
