రేపు హైదరాబాద్కు కాంగ్రెస్ కొత్త ఇన్ఛార్జి సందీప్ రాక!
- వ్యవసాయ వర్సిటీలో 566 అధ్యాపక పోస్టులకు గ్రీన్సిగ్నల్! - November 21, 2026
- తెలంగాణలో 2 వేల హోంగార్డుల భర్తీకి త్వరలో నోటిఫికేషన్! - November 21, 2026
- డివైడర్ను ఢీకొన్న బైక్.. ఇద్దరు మృతి! - November 21, 2026

జ్ఞాన తెలంగాణ, డెస్క్: తెలంగాణ కాంగ్రెస్ రాజకీయ, సంస్థాగత వ్యవహారాలపై దృష్టి సారిస్తూ ఏఐసీసీ కొత్త ఇన్ఛార్జి సందీప్ రేపు హైదరాబాద్కు రానున్నారు. ఆయన పర్యటనలో భాగంగా గాంధీభవన్లో పీఏసీ, పీసీసీల ఉమ్మడి సమావేశం నిర్వహించనున్నారు. ఈ సమావేశంలో సందీప్ పాల్గొని రాష్ట్ర కాంగ్రెస్ నాయకులతో పార్టీ వ్యవహారాలు, సంస్థాగత అంశాలపై చర్చించనున్నట్లు సమాచారం. పార్టీ సమన్వయం, భవిష్యత్ కార్యాచరణ, రాజకీయ పరిస్థితులపై ఈ సమావేశంలో చర్చ జరిగే అవకాశం ఉంది.
పర్యటనలో భాగంగా ఎల్లుండి ఉదయం గాంధీభవన్లో రాష్ట్ర మంత్రులతో సందీప్ భేటీ కానున్నారు. అనంతరం మధ్యాహ్నం డీసీసీ అధ్యక్షులు, పీసీసీ అనుబంధ సంఘాల అధ్యక్షులతో ప్రత్యేక సమావేశం నిర్వహించనున్నారు. జిల్లాలు, నియోజకవర్గాల్లో పార్టీ పరిస్థితి, సంస్థాగత బలోపేతం, కార్యకర్తల సమన్వయం, పార్టీ కార్యక్రమాల అమలుపై ఈ సమావేశాల్లో సమీక్షించే అవకాశం ఉంది. కొత్త ఇన్ఛార్జి పర్యటన నేపథ్యంలో రాష్ట్ర కాంగ్రెస్ రాజకీయ, సంస్థాగత వ్యవహారాల్లో ఈ భేటీలు ప్రాధాన్యత సంతరించుకున్నాయి.
