రాజ్‌ఘాట్‌ వైపు ఇండీ కూటమి నేతలు

జ్ఞాన తెలంగాణ,న్యూఢిల్లీ ప్రీతినిధి

దిల్లీలో మరోసారి రాజకీయ ఉద్రిక్తత నెలకొంది. ఇండీ కూటమికి చెందిన నేతలు రాజ్‌ఘాట్‌ వైపు తరలివెళ్తున్నారు. రాజ్‌ఘాట్‌ వద్ద మహాత్మా గాంధీ సమాధికి నివాళులర్పించి ప్రార్థనలు నిర్వహించనున్నారు. అనంతరం అక్కడే ధర్నా చేపట్టి కేంద్ర ప్రభుత్వ తీరుపై నిరసన వ్యక్తం చేయాలని నిర్ణయించారు. ప్రజాస్వామ్య పరిరక్షణ, రాజ్యాంగ విలువలు, ప్రజల హక్కులకు సంబంధించిన అంశాలను ప్రస్తావిస్తూ కేంద్ర ప్రభుత్వ విధానాలపై ఇండీ కూటమి నేతలు ఆందోళన వ్యక్తం చేస్తున్నారు. ఇప్పటికే పెద్ద సంఖ్యలో నేతలు, కార్యకర్తలు రాజ్‌ఘాట్‌ వైపు కదిలారు. దీంతో రాజ్‌ఘాట్‌ పరిసర ప్రాంతాల్లో పోలీసులు భద్రతను కట్టుదిట్టం చేశారు. ఎలాంటి అవాంఛనీయ ఘటనలు చోటుచేసుకోకుండా బలగాలను మోహరించారు. శాంతియుతంగా తమ నిరసనను కొనసాగిస్తామని కూటమి నేతలు స్పష్టం చేశారు. ప్రార్థనల అనంతరం చేపట్టనున్న ధర్నాలో కేంద్ర ప్రభుత్వ నిర్ణయాలు, ప్రజాస్వామ్య హక్కుల అంశాలపై నేతలు ప్రసంగించనున్నారు. ఈ కార్యక్రమంతో దిల్లీలో రాజకీయ వాతావరణం మరింత వేడెక్కింది.