సింగాపురంలో ప్రీ-ప్రైమరీ పోస్టుల భర్తీ
- సింగాపురం గ్రామానికి ప్రీ-ప్రైమరీ పాఠశాల మంజూరు
- ఇన్స్ట్రక్టర్, ఆయా పోస్టులకు దరఖాస్తుల ఆహ్వానం
- సింగాపురం గ్రామానికి చెందిన అభ్యర్థులకే అవకాశం
- జూన్ 29 వరకు దరఖాస్తుల స్వీకరణ
- అర్హులైన స్థానిక మహిళలు అవకాశాన్ని వినియోగించుకోవాలి
జ్ఞాన తెలంగాణ,శంకర్పల్లి:
2026-2027 విద్యా సంవత్సరానికి గాను శంకర్పల్లి మండలంలోని సింగాపురం గ్రామానికి ప్రీ-ప్రైమరీ పాఠశాల మంజూరైనట్లు మండల విద్యాధికారి (ఎంఈఓ) తెలిపారు. ఈ పాఠశాలలో ఇన్స్ట్రక్టర్, ఆయా పోస్టులను భర్తీ చేయనున్నందున సింగాపురం గ్రామానికి చెందిన స్థానిక అర్హులైన అభ్యర్థుల నుంచి మాత్రమే దరఖాస్తులు ఆహ్వానిస్తున్నట్లు వెల్లడించారు. గ్రామానికి చెందిన అభ్యర్థులకు ప్రాధాన్యత ఇవ్వడం ద్వారా స్థానికంగా ఉపాధి అవకాశాలు కల్పించడమే ఈ నియామకాల ప్రధాన ఉద్దేశమని పేర్కొన్నారు.
ఇన్స్ట్రక్టర్ పోస్టుకు దరఖాస్తు చేసుకునే అభ్యర్థులు ఇంటర్మీడియట్ ఉత్తీర్ణతతో పాటు డిప్లొమా ఇన్ ప్రీ స్కూల్ ఎడ్యుకేషన్ (డీపీఎస్ఈ) లేదా డి.ఎడ్ అర్హత కలిగి ఉండాలని సూచించారు. ఆయా పోస్టుకు పదో తరగతి ఉత్తీర్ణత తప్పనిసరి అని పేర్కొన్నారు. అర్హత, ఆసక్తి కలిగిన సింగాపురం గ్రామానికి చెందిన అభ్యర్థులు తమ దరఖాస్తులను ఈ నెల 29వ తేదీలోపు సమర్పించాలని ఎంఈఓ సూచించారు.
ప్రీ-ప్రైమరీ విద్యను గ్రామీణ స్థాయిలో మరింత బలోపేతం చేయడంలో ఈ పాఠశాల కీలక పాత్ర పోషించనుందని, స్థానిక అర్హులైన మహిళలు ఈ అవకాశాన్ని సద్వినియోగం చేసుకోవాలని మండల విద్యాధికారి కోరారు. దరఖాస్తులకు సంబంధించిన పూర్తి వివరాలు శంకర్పల్లి మండల విద్యాధికారి కార్యాలయంలో అందుబాటులో ఉంటాయని తెలిపారు.
