విద్యార్థులకు స్టడీ మెటీరియల్ పంపిణీ

విద్యార్థులకు స్టడీ మెటీరియల్ పంపిణీ

జ్ఞాన తెలంగాణ, సంగెం:
సంగెం మండల కేంద్రంలో మార్గం స్వచ్ఛంద సేవ సొసైటీ ఆధ్వర్యంలో ఉచిత వేసవి వ్యక్తిత్వ వికాస శిక్షణ శిబిరం దాత గోక కుమారస్వామి 25,000 రూపాయల విలువ గల స్టడీ మెటీరియల్, ఆల్ ఇన్ వన్ పుస్తకాలు పంపిణీచేశారు. ప్రముఖ వ్యాపారవేత్త, దాత, గోక కుమారస్వామి మాట్లాడుతూ సమాజంలో జీవిస్తున్న ప్రతి మనిషి తన బాధ్యతగా సంపాదనలో కొంత పేదలకు సాయం చేయాలని, అందులోనే ఆనందం ఉందని అన్నారు. సమాజం మనకు ఏమిచ్చిందనేది కాదు, మనం ఏమి చేశామన్నది ముఖ్యమన్నారు. మార్గం స్వచ్ఛంద సేవా సొసైటీ చేస్తున్న సేవలు అభినందనీయమన్నారు. అనంతరం సంస్థ ప్రతినిధులు ఆయనను ప్రత్యేకంగా సత్కరించారు. ఈ కార్యక్రమంలో సంస్థ అధ్యక్ష కార్యదర్శులు బొజ్జ సురేశ్, సింగారపు బాబు, మునుకుంట్ల కోటేశ్వర్, మునుకుంట్ల కుమారస్వామి, విద్యుత్ డిఈ ఏనబోతుల నర్సింగరావు, పాండ్రాల కరుణ శ్రీ ,పాండ్రాల.కిషన్ కుమార్, మాంకాల యాదగిరి, చిలువేరు శ్రీనివాసులు, చెదులూరి పరిమళ, చంద్రశేఖర్ రాజు ,విద్యార్థినీ, విద్యార్థులు, తల్లిదండ్రులు తదితరులు పాల్గొన్నారు.