చెరువులు, కుంటలకు హద్దులు ఏర్పాటు చేయాలని కలెక్టర్‌కు వినతి
రిపోర్టర్, నల్గొండ | 7702665844
Latest posts by Gandamalla Kishan (see all)
- సీఎం రిలీఫ్ ఫండ్ పేదలకు వరం ప్రభుత్వ విప్, ఎమ్మెల్యే వేముల వీరేశం - October 5, 2026
- తాళం వేసిన ఇంట్లో చోరీ…. - October 5, 2026
- గురుశిష్యులకు రాష్ట్రస్థాయి ఉత్తమ ఉపాధ్యాయ పురస్కారం భాషా బోధనలో విశిష్ట సేవలకు గుర్తింపు - October 5, 2026
జ్ఞాన తెలంగాణ, కట్టంగూర్, అక్టోబర్‌ 5: మండలంలోని మునుకుంట్ల గ్రామంలో పెద్ద చెరువు, కోమటికుంట, దబ్బికుంటలకు హద్దులు ఏర్పాటు చేసి కబ్జాల నుంచి విముక్తి కల్పించాలని కోరుతూ గ్రామ సర్పంచ్‌ గుల్లి నరేష్ సోమవారం నల్లగొండలో నిర్వహించిన గ్రీవెన్స్‌లో జిల్లా కలెక్టర్‌కు వినతిపత్రం అందజేశారు. చెరువులు, కుంటల పరిధిలోని భూములను కొందరు రైతులు ఆక్రమించి సాగు చేసుకుంటున్నారని వినతిపత్రంలో పేర్కొన్నారు. నీటి నిల్వ సామర్థ్యం తగ్గి, పారుదల సక్రమంగా లేక పంట పొలాలకు నీరు అందక రైతులు ఇబ్బందులు పడుతున్నారని తెలిపారు. అధికారులు సర్వే నిర్వహించి చెరువులు, కుంటలకు హద్దులు నిర్ణయించి, కబ్జాలను తొలగించి నీటి వనరులను పరిరక్షించాలని కోరారు.
