రిపోర్టర్, మేడ్చల్-మల్కాజ్గిరి | 9966689865
Latest posts by Veeranna Yerra
(see all)
జగద్గిరిగుట్ట: జగద్గిరిగుట్ట డివిజన్లోని రాజీవ్ గృహకల్ప ప్రాంతంలో ప్రభుత్వ స్థలాలు ఆక్రమణలకు గురవుతున్నాయని సంక్షేమ సంఘం సలహాదారు నరసింహారెడ్డి ఆరోపించారు. పోలీస్ స్టేషన్ ఎదురుగా, వాటర్ ట్యాంక్ పక్కన రాత్రికి రాత్రే డబ్బాలు ఏర్పాటు చేసి, వెనుక పిల్లర్లతో అక్రమ నిర్మాణాలు చేపడుతున్నారని తెలిపారు. గతంలో 24 ఎకరాల 78 సెంట్లలో 104 బ్లాకులకు ప్రణాళిక రూపొందించగా, 54 బ్లాకులు నిర్మించి 1,779 నిరుపేద కుటుంబాలకు ఇళ్లు పంపిణీ చేశారని వివరించారు. మిగిలిన స్థలాలను ఆటస్థలాలు, ఆలయం, మసీదు, చర్చి తదితర సామాజిక అవసరాలకు కేటాయించారన్నారు. ప్రస్తుతం గుడి, బడి పేరుతో స్థలాల ఆక్రమణలు జరుగుతున్నా ఫిర్యాదులపై అధికారులు స్పందించడం లేదని విమర్శించారు. తక్షణమే క్షేత్రస్థాయి విచారణ చేపట్టి అక్రమ నిర్మాణాలను అడ్డుకోవాలని, ప్రభుత్వ భూములను పరిరక్షించాలని కోరారు.
