తీన్మార్ మల్లన్నకు గిరిజన సంక్షేమ సంఘం మద్దతు

ఎస్సీ,ఎస్టీ,బీసీలకు ఆధిపత్య కులాల పార్టీలు,నాయకులు చేస్తున్న నష్టాలను,అన్యాయాలను అనునిత్యం Q న్యూస్ వేదికగా వివరిస్తూ బహుజనులను చైతన్య పరుస్తున్న తీన్మార్ మల్లన్న గారికి కృతజ్ఞతలు తెలుపుకుంటూ వారికి పూర్తి మద్దతు తెలుపుతున్నానని గిరిజన సంక్షేమ సంఘం రాష్ట్ర అధ్యక్షులు కొర్ర లక్పతి నాయక్ మరియు వర్కింగ్ ప్రెసిడెంట్ బాబు రామ్ నాయక్ గారు తీన్మార్ మల్లన్న గారికి శాలువాగప్పి తెలియపరిచారు.వారు మాట్లాడుతూ తీన్మార్ మల్లన్న బీసీ నాయకుల్లో దమ్మున్నోడు,ధైర్యం ఉన్నోడు అంటూ రాజ్యాంగబద్ధంగా జనాభా దామాషా ప్రకారం మా వాటా మా కావాలని న్యాయమైన పోరాటం చేస్తున్నాడని,స్వాతంత్ర అనంతరం ఆధిపత్య కులాలు మాత్రమే ముఖ్యమంత్రులు అవుతున్నారని, ఈ ఆధిపత్య కులాలు బహుజనుల ఓటు వేసుకొని వాళ్లు చలామణి అవుతున్నారని, మనకు రాజ్యాధికారం దూరం చేస్తున్నారని తెలియపరుస్తూ తీన్మార్ మల్లన్న బీసీ ఉద్యమంలో ఎస్సీ ఎస్టీ బీసీల మద్దతు ఎల్లప్పుడూ ఉంటుందని తెలియపరుస్తూ వచ్చేది బహుజనుల రాజ్యాధికారిమని వారు ఆశాభవం వ్యక్తం చేశారు. ఈ కార్యక్రమంలో ధర్మానాయక్ ,రాజు నాయక్ తదితరులు పాల్గొన్నారు