నార్సింగిలోని పసిఫికా హిల్క్రెస్ట్ అపార్ట్మెంట్లో భారీ అగ్నిప్రమాదం
- నార్సింగిలోని పసిఫికా హిల్క్రెస్ట్ అపార్ట్మెంట్లో భారీ అగ్నిప్రమాదం - November 20, 2026
- టోల్ ప్లాజా కొత్త నిబంధనలు & జరిమానాలు. - November 20, 2026
- హైదరాబాద్లో మెడికల్ షాపులపై TG SAFE మెరుపు దాడులు - November 20, 2026

(నార్సింగి): హైదరాబాద్లోని ఫైనాన్షియల్ డిస్ట్రిక్ట్ పరిధిలో గల నార్సింగి (నానక్రామ్గూడ) పసిఫికా హిల్క్రెస్ట్ (Pacifica Hillcrest) బహుళ అంతస్తుల అపార్ట్మెంట్ సముదాయంలో గురువారం అగ్నిప్రమాదం చోటుచేసుకుంది.
అపార్ట్మెంట్లోని 12వ అంతస్తులో ఉన్న ఒక ఫ్లాట్లో ఒక్కసారిగా మంటలు చెలరేగాయి. చూస్తుండగానే మంటలు పై అంతస్తులకు (18వ అంతస్తు వరకు) వ్యాపించడంతో దట్టమైన పొగ అలుముకుంది. దీంతో భయాందోళనకు గురైన నివాసితులు ప్రాణభయంతో వెంటనే అపార్ట్మెంట్ నుంచి బయటకు పరుగులు తీశారు.
సమాచారం అందుకున్న అగ్నిమాపక సిబ్బంది నాలుగు ఫైర్ ఇంజన్లు మరియు మాదాపూర్ ఫైర్ స్టేషన్ నుండి ప్రత్యేక బ్రోంటో స్కైలిఫ్ట్ (Bronto Skylift) సహాయంతో ఘటనా స్థలానికి చేరుకున్నారు. దాదాపు గంటన్నరకు పైగా శ్రమించి మంటలను పూర్తిగా అదుపులోకి తెచ్చారు.
ప్రాణనష్టం తప్పింది:
ఈ ప్రమాదంలో ఫ్లాట్లోని ఫాల్స్ సీలింగ్ మరియు ఇతర సామాగ్రి కాలిపోయి భారీగా ఆస్తి నష్టం జరిగినప్పటికీ, అదృష్టవశాత్తూ ఎవరికీ ఎలాంటి గాయాలు కాలేదు. గీజర్లో షార్ట్ సర్క్యూట్ కారణంగానే ఈ ప్రమాదం జరిగి ఉండవచ్చని ప్రాథమికంగా భావిస్తున్నారు. పోలీసులు కేసు నమోదు చేసి పూర్తిస్థాయి దర్యాప్తు చేపట్టారు.
