విశ్వబ్రాహ్మణ జర్నలిస్టుల అసోసియేషన్ జిల్లా అధ్యక్షుడిగా నవీన్ చారి
రిపోర్టర్, జనగాం | 9701479393
Latest posts by Naresh Mashetti (see all)
- జనగామలో బైక్ దొంగల ముఠా గుట్టురట్టు - November 12, 2026
- విద్యార్థులతో కలిసి వాలీబాల్ ఆడిన కలెక్టర్.. ఘనంగా జిల్లా స్థాయి క్రీడా పోటీలు ప్రారంభం - November 12, 2026
- ఆజాద్ ఆశయాలను ప్రతి ఒక్కరూ కొనసాగించాలి:ఎమ్మెల్యే పల్లా రాజేశ్వర్ రెడ్డి - November 12, 2026
తెలంగాణ విశ్వబ్రాహ్మణ జర్నలిస్టుల అసోసియేషన్ జనగామ జిల్లా నూతన అధ్యక్షుడిగా చెల్లోజు నవీన్ కుమార్ చారి ఏకగ్రీవంగా ఎన్నికయ్యారు. ఆదివారం వీరబ్రహ్మేంద్రస్వామి కార్యాలయంలో జరిగిన జిల్లా కమిటీ సమావేశంలో రాష్ట్ర వ్యవస్థాపక అధ్యక్షుడు తుమ్మలూరు సత్యనారాయణ ఆయనకు నియామక పత్రం అందజేశారు. జర్నలిస్టులు ఐక్యతతో ముందుకు సాగి హక్కులను సాధించుకోవాలని ఆయన పిలుపునిచ్చారు. విశ్వబ్రాహ్మణుల అభ్యున్నతికి ప్రత్యేక కార్పొరేషన్ ఏర్పాటు చేయడంతో పాటు జర్నలిస్టులకు ప్రత్యేక హక్కులు, సంక్షేమ పథకాలు కల్పించాలని ప్రభుత్వాన్ని కోరారు. సమావేశంలో నూతన కమిటీని ఎన్నుకున్నారు. గౌరవాధ్యక్షుడిగా బతోజు రవికుమార్, ప్రధాన కార్యదర్శిగా దిగోజు సాంబయ్య, కోశాధికారిగా సాతెల్లి రాజు తదితరులు ఎన్నికయ్యారు. కార్యక్రమంలో రాష్ట్ర, జిల్లా నాయకులు పాల్గొన్నారు.
