వినయ్ భాస్కర్‌పై పోలీసుల దాడి దుర్మార్గం
రిపోర్టర్, జనగాం | 9390339469
Latest posts by Venkateshwarlu Vardhamanu (see all)
- నీళ్ల పేరుతో రాజకీయాలు చేస్తే ఊరుకునేది లేదు: అనిల్ కుమార్ - October 26, 2026
- దసరా శుభాకాంక్షలు తెలిపిన సీఐ భరత్ సుమన్ - October 19, 2026
- పెద్దామడూర్‌లో ఘనంగా బతుకమ్మ సంబరాలు - October 19, 2026
మాజీ ఎమ్మెల్యే దాస్యం వినయ్ భాస్కర్‌పై పోలీసుల దాడి దుర్మార్గమని మాజీ మంత్రి ఎర్రబెల్లి దయాకర్ రావు ఖండించారు. వరంగల్ ఎంజీఎం ఆసుపత్రిలో రోగుల సమస్యలను తెలుసుకునేందుకు వెళ్తున్న వినయ్ భాస్కర్‌ను పోలీసులు అడ్డుకోవడం ప్రజాస్వామ్యానికి విరుద్ధమన్నారు. ప్రజా సమస్యలను ప్రశ్నించే ప్రతిపక్ష నాయకులను అడ్డుకోవడం ప్రభుత్వ విధానంగా మారిందని విమర్శించారు. ఘటనపై సమగ్ర విచారణ జరిపి వాస్తవాలను వెలుగులోకి తేవాలని, బాధ్యులైన పోలీసులపై చట్టపరమైన చర్యలు తీసుకోవాలని డిమాండ్ చేశారు. ప్రజల సమస్యలపై పోరాటం కొనసాగించాలని బీఆర్ఎస్ కార్యకర్తలకు పిలుపునిచ్చారు. వినయ్ భాస్కర్ త్వరగా కోలుకోవాలని ఆకాంక్షించారు.
