ప్రభుత్వ ఆసుపత్రి కార్మికుల రెండోరోజు ధర్నా
రిపోర్టర్, మేడ్చల్-మల్కాజ్‌గిరి | 9966689865
Latest posts by Veeranna Yerra (see all)
- ఫాక్స్ సాగర్ బాధితులను పరామర్శించిన ఈటల రాజేందర్.. - November 14, 2026
- డ్రగ్స్‌ రహిత సమాజ నిర్మాణంలో యువత కీలక పాత్ర పోషించాలి - November 14, 2026
- భూముల విక్రయంపై నిరసనగా భారీ ధర్నా - November 14, 2026
- ప్రభుత్వ ఆసుపత్రుల్లో గత 20 ఏళ్లుగా శానిటేషన్, పేషెంట్ కేర్, సెక్యూరిటీ విభాగాల్లో పనిచేస్తున్న కార్మికుల సమస్యలను పరిష్కరించాలని డిమాండ్ చేస్తూ ఏఐటీయూసీ యూనియన్ ఆధ్వర్యంలో ఘట్కేసర్ ప్రభుత్వ ఆసుపత్రి ఎదుట రెండోరోజు ధర్నా నిర్వహించారు. గత ప్రభుత్వాలు కార్మికులకు వేతనాల పెంపు, ఉద్యోగాల క్రమబద్ధీకరణ, ఉద్యోగ భద్రత కల్పిస్తామని హామీలు ఇచ్చినా అమలు చేయలేదని ఆవేదన వ్యక్తం చేశారు. కాంగ్రెస్ ప్రభుత్వం అధికారంలోకి వస్తే కార్మికులను పర్మినెంట్ చేసి, వేతనాలు పెంచుతామని ముఖ్యమంత్రి రేవంత్‌రెడ్డి ఇచ్చిన హామీని నిలబెట్టుకోవాలని డిమాండ్ చేశారు. రాష్ట్రవ్యాప్తంగా ఆసుపత్రుల్లో పనిచేస్తున్న కార్మికులకు చట్టప్రకారం నెలకు కనీసం రూ.26 వేల వేతనం చెల్లించాలని కోరారు. ఈ ధర్నాలో భాగ్యలక్ష్మి, సరూప, బాలమణి, లక్ష్మి, లోదియా, పుష్ప, నాగమ్మ, లావణ్య, విజయ్, మహేశ్వరి పాల్గొన్నారు.
