కుత్బుల్లాపూర్ నియోజకవర్గానికి చెందిన ఆరుగురు లబ్ధిదారులకు రూ.2.86 లక్షల ముఖ్యమంత్రి సహాయనిధి (సీఎంఆర్ఎఫ్) చెక్కులను బాచుపల్లిలోని కాంగ్రెస్ పార్టీ కార్యాలయంలో నాయకులు అందజేశారు. నియోజకవర్గ కాంగ్రెస్ ఇన్చార్జి కొలన్ హన్మంత్ రెడ్డి చొరవతో మంత్రి దుద్దిళ్ల శ్రీధర్ బాబు సహకారంతో వైద్య చికిత్సల కోసం ఈ ఆర్థిక సాయం మంజూరైంది. ఈ కార్యక్రమంలో నిజాంపేట్ సర్కిల్ అధ్యక్షుడు కొలన్ రాజశేఖర్ రెడ్డి, డీసీసీ కార్యదర్శి పండరి రావు, లక్ష్మారెడ్డి, రషీద్, ప్రసన్న కుమార్, డప్పు నరేందర్, మహమ్మద్ గఫ్ఫార్ తదితరులు పాల్గొన్నారు. పేదలకు వైద్య ఖర్చుల భారం తగ్గించడంలో సీఎంఆర్ఎఫ్ ఉపయోగపడుతుందని నాయకులు పేర్కొన్నారు.