దుండిగల్ సర్కిల్లో విస్తృత తనిఖీలు
రిపోర్టర్, మేడ్చల్-మల్కాజ్‌గిరి | 9966689865
Latest posts by Veeranna Yerra (see all)
- దుండిగల్ సర్కిల్లో విస్తృత తనిఖీలు - November 13, 2026
- ఖైత‌లాపూర్ చెరువును కాపాడిన హైడ్రా - November 13, 2026
- పీఆర్‌టీ కారిడార్లు.. ఏడాదిలో తొలి దశ పూర్తి చేయాలని సీఎం రేవంత్ రెడ్డి ఆదేశాలు - November 12, 2026
దుండిగల్ సర్కిల్ పరిధిలో కొనసాగుతున్న పలు అభివృద్ధి, మౌలిక వసతులు, పారిశుద్ధ్య కార్యక్రమాల పురోగతిని సమీక్షించేందుకు జోనల్ కమిషనర్ శుక్రవారం విస్తృతంగా క్షేత్రస్థాయి తనిఖీలు నిర్వహించారు. ఈ పర్యటనలో డిప్యూటీ కమిషనర్ (డీసీ), ఎగ్జిక్యూటివ్ ఇంజినీర్ (ఈఈ), డిప్యూటీ ఎగ్జిక్యూటివ్ ఇంజినీర్ (డీఈఈ), ఇంజినీరింగ్ విభాగం అధికారులు పాల్గొన్నారు.
ఈ సందర్భంగా దుండిగల్ క్రికెట్ స్టేడియంలో కొనసాగుతున్న నిర్మాణ, మౌలిక వసతుల పనులను పరిశీలించి, వాటి పురోగతి, గడువులపై సమీక్షించారు. నిర్ణీత సమయంలో పనులు పూర్తయ్యేలా వేగం పెంచాలని ఇంజినీరింగ్ అధికారులను ఆదేశించారు.
అనంతరం సర్కిల్ పరిధిలోని చెత్త పేరుకుపోయే ప్రాంతాలను (జీవీపీలు) పరిశీలించి, చెత్త సేకరణ, తరలింపు ప్రక్రియను సమీక్షించారు. పారిశుద్ధ్య సిబ్బంది నిరంతరం అప్రమత్తంగా ఉంటూ చెత్తను ఎప్పటికప్పుడు తొలగించాలని, పరిసర ప్రాంతాల్లో పరిశుభ్రతను కొనసాగించాలని సూచించారు.
తదుపరి గాగిల్లాపూర్‌లోని చర్చిని సందర్శించి అక్కడ జరుగుతున్న ఇంజినీరింగ్ పనులను పరిశీలించారు. నిర్మాణ నాణ్యత విషయంలో రాజీ పడకుండా పనులను సకాలంలో పూర్తి చేయాలని సంబంధిత అధికారులకు స్పష్టం చేశారు.
