విద్యతో పాటు క్రీడల్లోనూ రాణించాలి
రిపోర్టర్, సంగారెడ్డి | 8106005660
Latest posts by Kondagalla Sridhar (see all)
- విద్యతో పాటు క్రీడల్లోనూ రాణించాలి - November 14, 2026
- హత్నూర గ్రామంలో ఇంకుడు గుంతల నిర్మాణ పనులు ప్రారంభం - November 13, 2026
- ఎండిన పంట పొలాలను పరిశీలించిన వ్యవసాయ అధికారులు - November 12, 2026
సంగారెడ్డి:- హత్నూర మండలం, దౌల్తాబాద్ గ్రామంలోని జిల్లా పరిషత్ ఉన్నత పాఠశాల లో నిర్వహించిన 70వ రాష్ట్ర స్థాయి స్కూల్ గేమ్స్ ఫెడరేషన్ వాలీబాల్ టోర్నమెంట్ కార్యక్రమానికి నర్సాపూర్ నియోజకవర్గ శాసనసభ్యురాలు శ్రీమతి వాకిటి సునీత లక్ష్మారెడ్డి గారు ముఖ్య అతిథిగా హాజరయ్యారు.
ఈ సందర్భంగా ఆమె టోర్నమెంట్‌లో పాల్గొన్న క్రీడాకారులను పరిచయం చేసుకుని, వారిని ప్రత్యేకంగా అభినందించారు. అనంతరం మాట్లాడుతూ, విద్యార్థులు కేవలం చదువులకే పరిమితం కాకుండా విద్యతో పాటు క్రీడలకు కూడా సమాన ప్రాధాన్యత ఇవ్వాలని సూచించారు. క్రీడలు శారీరక దృఢత్వాన్ని, మానసిక ఉల్లాసాన్ని అందిస్తాయని పేర్కొన్నారు. గ్రామీణ ప్రాంత క్రీడాకారులు కష్టపడి సాధన చేసి రాష్ట్ర, జాతీయ స్థాయిలో రాణించి ప్రాంతానికి మంచి పేరు తీసుకురావాలని ఆమె ఆకాంక్షించారు.
ఈ కార్యక్రమంలో స్థానిక ప్రజాప్రతినిధులు, పాఠశాల ఉపాధ్యాయ బృందం, SGF నిర్వాహకులు, వ్యాయామ ఉపాధ్యాయులు (PETలు), క్రీడాకారులు మరియు గ్రామస్తులు పెద్ద సంఖ్యలో పాల్గొన్నారు.
