Category: జిల్లా వార్తలు

కామారెడ్డి జిల్లాలో శాంతిభద్రతల పరిరక్షణ కోసం నవంబర్ 1 నుంచి 30వ తేదీ వరకు 30, 30(ఏ) పోలీస్ యాక్ట్-1861 అమలు చేస్తున్నట్లు SP రాజేశ్ చంద్ర తెలిపారు. పోలీసుల అనుమతి లేకుండా ధర్నాలు, రాస్తారోకోలు, నిరసనలు, ర్యాలీలు, సభలు, సమావేశాలు నిర్వహించరాదని స్పష్టం చేశారు. నిబంధనలు ఉల్లంఘిస్తే చట్టపరమైన కఠిన చర్యలు తీసుకుంటామని హెచ్చరించారు.

కామారెడ్డి జిల్లా బీబీపేట మండలంలో విద్యార్థులు చెడు అలవాట్లకు దూరంగా ఉంటూ క్రమశిక్షణతో చదువుకోవాలని ఎస్సై నవీన్ చంద్ర సూచించారు. ఆదివారం పోలీస్టేషన్లో ఓపెన్హాస్ కార్యక్రమం నిర్వహించారు. ఈ సందర్భంగా పోలీసుల విధులు, ఆయుధాల వినియోగం, సమాజంలో పోలీసుల పాత్రపై విద్యార్థులకు అవగాహన కల్పించారు. ఉన్నత లక్ష్యాలను నిర్దేశించుకుని కష్టపడి చదివి జీవితంలో ఉన్నత స్థాయికి చేరుకోవాలని సూచించారు.

కామారెడ్డి జిల్లా బిక్కనూర్ మండల పరిధిలోని టోల్ ప్లాజా వద్ద రోడ్డు ప్రమాదం జరిగింది. టోల్ ప్లాజా వద్ద ఆగి ఉన్న లారీని టూరిస్ట్ బస్సు అతివేగంగా ఢీకొట్టింది. ఈ ఘటనలో బస్సులో ప్రయాణిస్తున్న 19 మందికి గాయాలయ్యాయి. బీర్కూరు మండలం బైరాపూర్కు చెందిన పలువురు వివాహ వేడుకలకు సూర్యాపేటకు వెళ్తుండగా ప్రమాదం చోటుచేసుకుంది.

కామారెడ్డి జిల్లా నాగిరెడ్డిపేటలోని కస్తూర్బా గాంధీ పాఠశాల నుంచి ముగ్గురు విద్యార్థినులు వెళ్లిపోయారు. తరగతి గదిలో హాజరు తీసుకుంటుండగా వారు కనిపించకపోవడంతో హెచ్ఎం గీత పోలీసులకు సమాచారం ఇచ్చారు. ఎస్సై భార్గవ్ గౌడ్ విచారణ చేపట్టి బస్సులో వెళ్తున్న విద్యార్థినులను గుర్తించి పోలీస్ స్టేషన్కు తీసుకొచ్చారు. హాస్టల్లో ఉండటం ఇష్టం లేదని వారు చెప్పడంతో తల్లిదండ్రులకు అప్పగించారు.

సురక్షిత్ బచ్పన్ అభియాన్‌లో భాగంగా శనివారం కొత్తబాది కేజీబీవీ పాఠశాలలో విద్యార్థులకు నేర చట్టాలు, బాలల హక్కులపై అవగాహన సదస్సు నిర్వహించారు. మండల న్యాయ సేవాధికార సంస్థ బాన్సువాడ ఆధ్వర్యంలో జరిగిన కార్యక్రమంలో కోర్టు సూపరింటెండెంట్ సాయిబాబు మాట్లాడుతూ పోక్సో చట్టం, బాల్య వివాహాల నిరోధక చట్టం, గుడ్ టచ్‌–బ్యాడ్ టచ్, సైబర్ నేరాలు, వ్యక్తిగత భద్రతపై విద్యార్థులకు వివరించారు. ఆపదలో ఉన్న బాలలు చైల్డ్ హెల్ప్‌లైన్ 1098కు ఫోన్ చేసి సహాయం పొందాలని సూచించారు. కార్యక్రమంలో…