కోకాపేటలో ‘వజ్ర అటెలియర్’ గ్రాండ్ లాంచ్.
- ఓం నగర్ కాలనీలో సీసీ రోడ్డు పనులు ప్రారంభం - November 12, 2026
- దోహా ఐటీయూ (ITU) సదస్సులో భారత డిజిటల్ విప్లవాన్ని చాటిచెప్పిన కేంద్ర మంత్రి పెమ్మసాని చంద్రశేఖర్ - November 12, 2026
- కోకాపేటలో ‘వజ్ర అటెలియర్’ గ్రాండ్ లాంచ్. - November 12, 2026
నార్సింగి : హైదరాబాద్‌లోని అత్యంత వేగంగా అభివృద్ధి చెందుతున్న కోకాపేట ప్రాంతంలో 'వజ్ర అటెలియర్' (Vajra Atelier) లగ్జరీ ఇంటీరియర్స్ షోరూమ్ నేడు అత్యంత వైభవంగా ప్రారంభమైంది. కోకాపేటలోని స్టార్‌బక్స్ భవనంలో ఏర్పాటు చేసిన ఈ నూతన షోరూమ్‌ను రాష్ట్ర రోడ్లు, భవనాలు మరియు సినిమాటోగ్రఫీ శాఖ మంత్రి శ్రీ కోమటిరెడ్డి వెంకట్‌రెడ్డి గారు మరియు రాజేంద్రనగర్ నియోజకవర్గ ఎమ్మెల్యే శ్రీ టి. ప్రకాష్ గౌడ్ గారు ముఖ్య అతిథులుగా విచ్చేసి, రిబ్బన్ కట్ చేసి లాంఛనంగా ప్రారంభించారు.
ప్రారంభోత్సవం అనంతరం అతిథులు షోరూమ్‌లోని విలాసవంతమైన, ఆధునిక ఇంటీరియర్ సొల్యూషన్స్ మరియు డిజైన్లను ఆసక్తిగా పరిశీలించారు. నూతన ఒరవడితో కూడిన ఇంటీరియర్ డిజైన్ సేవలను నగరవాసులకు అందుబాటులోకి తీసుకువచ్చినందుకు నిర్వాహకులను వారు ప్రత్యేకంగా అభినందించి, శుభాకాంక్షలు తెలిపారు.
ఈ సందర్భంగా నిర్వాహకులు మాట్లాడుతూ, "నేటి ఆధునిక జీవనశైలికి అనుగుణంగా అత్యుత్తమ నాణ్యతతో కూడిన లగ్జరీ ఇంటీరియర్ సేవలను అందించడమే మా ప్రధాన లక్ష్యం. మా ప్రారంభోత్సవ వేడుకకు విచ్చేసి ఆశీర్వదించిన మంత్రి శ్రీ కోమటిరెడ్డి వెంకట్‌రెడ్డి గారికి, ఎమ్మెల్యే శ్రీ టి. ప్రకాష్ గౌడ్ గారికి హృదయపూర్వక కృతజ్ఞతలు" అని పేర్కొన్నారు.
ఈ ప్రారంభోత్సవ వేడుకలో నగరానికి చెందిన పలువురు ప్రముఖులు, ఆర్కిటెక్ట్‌లు, వ్యాపారవేత్తలు మరియు ఆహ్వానితులు పెద్ద సంఖ్యలో పాల్గొన్నారు.
