బాలాపూర్ లడ్డూ సరికొత్త రికార్డు రూ.39 లక్షల ఆల్టైమ్ హై ధరకు వేలం.
- బండ్లగూడలో మిన్నంటిన దేశభక్తి ఘనంగా వందేమాతరం 150 వసంతాల ఉత్సవం. - September 25, 2026
- బాలాపూర్ లడ్డూ సరికొత్త రికార్డు రూ.39 లక్షల ఆల్టైమ్ హై ధరకు వేలం. - September 25, 2026
- రిచ్మండ్ విల్లాస్ లడ్డూ మళ్లీ సంచలనం ఈసారి రూ. 1.01 కోట్ల భారీ ధర పలికింది. - September 24, 2026
హైదరాబాద్: వినాయక చవితి నవరాత్రి ఉత్సవాల్లో భాగంగా ప్రతి ఏటా ఎంతో ప్రతిష్టాత్మకంగా నిర్వహించే బాలాపూర్ గణేశుడి లడ్డూ వేలం పాటలో ఈ ఏడాది సరికొత్త చరిత్ర సృష్టించబడింది. ఇప్పటివరకు ఉన్న రికార్డులన్నింటినీ తిరగరాస్తూ, ఈసారి బాలాపూర్ లడ్డూ ఏకంగా రూ. 39 లక్షల రికార్డు ధరకు అమ్ముడైంది.గణేష్ నిమజ్జన ఊరేగింపు ప్రారంభానికి ముందు స్థానిక బాలాపూర్ గ్రామంలో ఉత్కంఠభరితంగా, హోరాహోరీగా సాగిన ఈ వేలం పాటలో పలువురు ప్రముఖులు, వ్యాపారవేత్తలు, స్థానికులు పోటీ పడ్డారు. చివరికి, తీవ్ర పోటీ మధ్య అర్బన్ గ్రూప్ అధినేత సామా ప్రణీత్ రెడ్డి అత్యధికంగా రూ. 39 లక్షలు పాడి ఈ ప్రసిద్ధ లడ్డూను సొంతం చేసుకున్నారు.బాలాపూర్ లడ్డూను దక్కించుకోవడం తమకు దక్కిన మహాభాగ్యమని, స్వామివారి కృపతో అందరికీ మంచి జరగాలని ఈ సందర్భంగా సామా ప్రణీత్ రెడ్డి ఆకాంక్షించారు. వేలం ద్వారా వచ్చిన ఈ భారీ మొత్తాన్ని బాలాపూర్ గ్రామ పరిధిలోని వివిధ సేవా కార్యక్రమాలకు మరియు స్థానిక దేవాలయాల అభివృద్ధి పనులకు వినియోగిస్తామని నిర్వాహకులు తెలిపారు. ప్రతి ఏటా సరికొత్త రికార్డులను నమోదు చేసే బాలాపూర్ లడ్డూ వేలం, ఈ ఏడాది కూడా ఊహించని ధరకు అమ్ముడవ్వడం తెలుగు రాష్ట్రాల్లో హాట్ టాపిక్గా మారింది.
