శంకర్పల్లి మండలంలో నిన్న ప్రజావాణి నిర్వహించారా?
-
శంకర్పల్లి మండలంలో నిన్న ప్రజావాణి నిర్వహించారా? - August 25, 2026 - NEHS మార్గదర్శకాలు - August 23, 2026
- ఇరాన్ కీలక టర్న్! - August 22, 2026
తెలంగాణ ప్రభుత్వం ప్రతిష్ఠాత్మకంగా చేపట్టిన ప్రతి సోమవారం మండల కేంద్రాల్లో ప్రజావాణి కార్యక్రమం శంకర్పల్లి మండలంలో అసలు నిర్వహించారా? లేదా? అనే అనుమానాలు వ్యక్తమవుతున్నాయి. నిన్న సోమవారం ప్రజావాణి కార్యక్రమం జరిగిందా లేదా అనే విషయం కూడా స్పష్టంగా తెలియని పరిస్థితి నెలకొంది. కార్యక్రమం జరిగి ఉంటే ఎంతమంది ప్రజలు హాజరయ్యారు? ఎన్ని దరఖాస్తులు స్వీకరించారు? ప్రజలు ఏ సమస్యలను అధికారుల దృష్టికి తీసుకువచ్చారు? అనే కనీస సమాచారం కూడా బయటకు రాకపోవడం చర్చనీయాంశంగా మారింది.
ప్రజల సమస్యలను నేరుగా అధికారుల దృష్టికి తీసుకెళ్లి పరిష్కరించేందుకు ప్రభుత్వం ప్రతిష్ఠాత్మకంగా నిర్వహిస్తున్న ప్రజావాణి కార్యక్రమంపై శంకర్పల్లి మండలంలో సరైన ప్రచారం లేకపోవడంపై విమర్శలు వినిపిస్తున్నాయి. కనీసం మీడియాకు కూడా ప్రజావాణి నిర్వహణకు సంబంధించిన సమాచారం అందకపోవడంతో కార్యక్రమం జరిగిందా? లేదా? అనే సందేహాలు మరింత బలపడుతున్నాయి.
ప్రజావాణి నిర్వహించడం మాత్రమే కాకుండా, కార్యక్రమానికి సంబంధించిన వివరాలను ప్రజలకు, మీడియాకు తెలియజేయడం కూడా అధికారుల బాధ్యత. ప్రజావాణి జరిగితే దరఖాస్తుల సంఖ్య, ప్రజల సమస్యలు, తీసుకున్న చర్యలపై పారదర్శకంగా వివరాలు వెల్లడించాల్సిన అవసరం ఉంది.
శంకర్పల్లి మండలంలో నిన్న నిర్వహించినట్లు చెబుతున్న ప్రజావాణి కార్యక్రమానికి సంబంధించి అధికార యంత్రాంగం స్పష్టమైన వివరాలు వెల్లడించాలి. ప్రజల కోసం నిర్వహిస్తున్న కార్యక్రమం ప్రజలకు తెలియకపోతే దాని ఉద్దేశ్యం ఎలా నెరవేరుతుందనే ప్రశ్నలు తలెత్తుతున్నాయి.
