ఎండ్రియాల్‌లో దుర్గాభవాని ఆలయ నిర్మాణానికి కరపూజ
- ఎండ్రియాల్‌లో దుర్గాభవాని ఆలయ నిర్మాణానికి కరపూజ - November 11, 2026
- ఎండ్రియాల్‌లో చరిత్రకు ఘన నివాళి.. ఉయ్యాలవాడ నరసింహారెడ్డి విగ్రహానికి భూమిపూజ - November 11, 2026
- నందివాడ, చిట్యాల, ఎర్రపహాడ్ గ్రామాల్లో బీజేపీ కార్యకర్తల సమావేశాలు – యువ మోర్చా కమిటీల నియామకం - November 10, 2026
ఎండ్రియాల్: గ్రామంలో దుర్గాభవాని మాత ఆలయ నిర్మాణం చేపట్టే సంకల్పంతో న్యూ ఇండియన్ యూత్ అసోసియేషన్ (దేవి శక్తిక్షేత్రం), ఎండ్రియాల్ గ్రామ ప్రజల ఆధ్వర్యంలో ఆలయ నిర్మాణానికి కరపూజ కార్యక్రమాన్ని భక్తిశ్రద్ధలతో నిర్వహించారు. అసోసియేషన్ అధ్యక్షుడు శివాజీరావు, ప్రధాన కార్యదర్శి రెడ్డిగారి మహిపాల్ రెడ్డి ఆధ్వర్యంలో యూత్ కమిటీ సభ్యులు శ్రీనివాస్, రామస్వామి, వెంకటరమణ, కృష్ణకర్ రావు, మనోహర్ రెడ్డి, కిషన్ తదితరులు కార్యక్రమాన్ని నిర్వహించారు. దుర్గాదేవి అమ్మవారు శక్తి, ధైర్యం, ధర్మానికి ప్రతీకగా హిందూ సంప్రదాయంలో విశిష్ట స్థానం కలిగి ఉన్నారు. మహిషాసురుడనే రాక్షసుడిని సంహరించి ధర్మాన్ని కాపాడిన ఆదిశక్తిగా అమ్మవారిని భక్తులు ఆరాధిస్తారు. చెడుపై మంచి సాధించిన విజయానికి ప్రతీకగా దుర్గామాత చరిత్ర నిలుస్తుంది. భక్తులను కష్టాల నుంచి రక్షించి శక్తి, ధైర్యం ప్రసాదించే తల్లిగా అమ్మవారికి ప్రత్యేక పూజలు నిర్వహిస్తారు. ఈ కార్యక్రమానికి గ్రామ సర్పంచ్ కోర్ని నర్సింలు, ఉపసర్పంచ్ గడ్డం నర్సారెడ్డి, గ్రామపంచాయతీ కార్యదర్శి సాహిత్య, గ్రామ పరిపాలన అధికారి మధు, పాలకవర్గ సభ్యులు, గ్రామ పెద్దలు, మహిళలు, యువకులు, గ్రామ ప్రజలు పెద్ద సంఖ్యలో హాజరై కరపూజ కార్యక్రమాన్ని విజయవంతం చేశారు. గ్రామంలో అమ్మవారి ఆలయ నిర్మాణం త్వరగా పూర్తికావాలని భక్తులు ఆకాంక్షించారు.
