ఇందిరమ్మ ఇంట్లో ముఖ్యమంత్రి రేవంత్ రెడ్డి దీపావళి వేడుకలు
రిపోర్టర్, మేడ్చల్-మల్కాజ్‌గిరి | 9966689865
Latest posts by Veeranna Yerra (see all)
- కరువు సాయం వెంటనే ప్రకటించాలి సిపిఐ మహేష్ - November 10, 2026
- అంత్యక్రియలకు ఆర్థిక సాయం - November 10, 2026
- విదేశీ విద్యకు ప్రభుత్వఆర్థిక సాయం - November 10, 2026
ఇందిరమ్మ ఇంట్లో ముఖ్యమంత్రి రేవంత్ రెడ్డి దీపావళి వేడుకలు
దీపావళి పర్వదినం, జన్మదినం ఒకేసారి రావడంతో ముఖ్యమంత్రి ఎ. రేవంత్ రెడ్డి కొడంగల్ మండలం పర్సాపూర్ గ్రామంలో ప్రత్యేకంగా పండుగ జరుపుకున్నారు. గ్రామానికి చెందిన గోరిపల్లి సుమిత్ర, శ్రీనివాస్ దంపతులు నూతనంగా నిర్మించుకున్న ఇందిరమ్మ ఇంటిని ముఖ్యమంత్రి ప్రారంభించారు. ఈ సందర్భంగా దంపతులకు నూతన వస్త్రాలు అందజేసి, వారి ఇంట్లో సన్నబియ్యంతో వండిన భోజనం స్వీకరించారు. స్పీకర్ గడ్డం ప్రసాద్ కుమార్, మంత్రులు, ఎంపీ, ఎమ్మెల్యేలతో కలిసి భోజనం చేశారు. అనంతరం చిన్నారులతో కలిసి టపాసులు కాల్చి దీపావళి సంబరాల్లో పాల్గొన్నారు. పిల్లలకు పెన్నులు బహూకరించి వారిని ఆనందపరిచారు.
