మళ్లీ పెరుగుతున్న పసిడి ధరలు.. స్వల్పంగా తగ్గిన వెండి!

జ్ఞాన తెలంగాణ, బిజినెస్‌: ఇటీవల భారీగా తగ్గి కొనుగోలుదారులకు కొంత ఊరటనిచ్చిన బంగారం ధరలు మళ్లీ పైపైకి కదులుతున్నాయి. అంతర్జాతీయ మార్కెట్‌ పరిణామాలు, పెట్టుబడిదారుల కొనుగోళ్లు, డాలర్‌ విలువలో మార్పులు వంటి అంశాల ప్రభావంతో పసిడి ధరల్లో హెచ్చుతగ్గులు కొనసాగుతున్నాయి. మంగళవారం కూడా బంగారం ధరలు స్వల్పంగా పెరుగుదల నమోదు చేశాయి. దీంతో పసిడి కొనుగోలు చేయాలనుకుంటున్న సామాన్యులు, మధ్యతరగతి కుటుంబాల్లో ఆందోళన నెలకొంది. గుడ్‌రిటర్న్స్‌ వెబ్‌సైట్‌ వివరాల ప్రకారం మంగళవారం ఉదయం 6 గంటల సమయానికి హైదరాబాద్‌లో 24 క్యారెట్ల 10 గ్రాముల బంగారం ధర రూ.1,44,610గా నమోదైంది. 22 క్యారెట్ల 10 గ్రాముల ఆభరణాల బంగారం ధర రూ.1,32,560గా ఉంది. ఇక 18 క్యారెట్ల 10 గ్రాముల బంగారం ధర రూ.1,08,460గా కొనసాగుతోంది.

తెలంగాణలోని ప్రధాన నగరాలైన హైదరాబాద్‌, వరంగల్‌, నిజామాబాద్‌, ఖమ్మంలోనూ దాదాపు ఇవే ధరలు నమోదయ్యాయి. ఆంధ్రప్రదేశ్‌లోని విజయవాడ, విశాఖపట్నం, అమరావతి, కాకినాడ, తిరుపతి నగరాల్లో కూడా 24 క్యారెట్ల 10 గ్రాముల బంగారం ధర రూ.1,44,610గా ఉండగా, 22 క్యారెట్ల ధర రూ.1,32,560గా నమోదైంది. 18 క్యారెట్ల బంగారం ధర రూ.1,08,460గా ఉంది. మరోవైపు దేశంలోని ప్రధాన నగరాల్లో ధరల్లో స్వల్ప వ్యత్యాసాలు కనిపిస్తున్నాయి. చెన్నైలో 24 క్యారెట్ల 10 గ్రాముల బంగారం ధర రూ.1,43,550గా ఉండగా, 22 క్యారెట్ల ధర రూ.1,32,580గా నమోదైంది. ముంబైలో 24 క్యారెట్ల ధర రూ.1,44,610, ఢిల్లీలో రూ.1,44,760గా ఉంది. ఢిల్లీలో 22 క్యారెట్ల బంగారం ధర రూ.1,32,710గా నమోదైంది. కోల్‌కతా, కేరళ, పుణె నగరాల్లోనూ హైదరాబాద్‌ ధరలతో సమానంగా పసిడి ధరలు కొనసాగుతున్నాయి.

ఇక వెండి కొనుగోలుదారులకు మాత్రం కొంత ఊరట లభించింది. బంగారం ధరలు పెరుగుతున్న సమయంలో వెండి ధరలు స్వల్పంగా తగ్గుముఖం పట్టాయి. మంగళవారం కిలో వెండిపై సుమారు రూ.100 తగ్గుదల నమోదైంది. ప్రస్తుతం హైదరాబాద్‌, విజయవాడ మార్కెట్లలో కిలో వెండి ధర రూ.2,04,900గా ఉంది. అయితే బంగారం, వెండి ధరలు మార్కెట్‌ పరిస్థితులను బట్టి రోజువారీగా మారుతుంటాయి. ఆభరణాల కొనుగోలుపై జీఎస్టీ, తరుగు, మజూరీ వంటి అదనపు ఖర్చులు కూడా ఉంటాయి. అందువల్ల కొనుగోలుదారులు ఆభరణాలు కొనుగోలు చేసే ముందు స్థానిక జువెలరీ దుకాణాల్లో తాజా ధరలను నిర్ధారించుకోవాలి. పసిడి ధరల పెరుగుదల ఇలాగే కొనసాగితే రాబోయే రోజుల్లో బంగారం కొనుగోళ్లపై మరింత ప్రభావం పడే అవకాశం ఉందని మార్కెట్‌ వర్గాలు భావిస్తున్నాయి.