క్రైస్తవులపై దాడులను వెంటనే అరికట్టాలి: పాస్టర్స్ అసోసియేషన్ డిమాండ్
రిపోర్టర్, సంగారెడ్డి | 9000600737
Latest posts by MOHAMMAD MOHAMMAD (see all)
- క్రైస్తవులపై దాడులను వెంటనే అరికట్టాలి: పాస్టర్స్ అసోసియేషన్ డిమాండ్ - November 9, 2026
- ఇందిరమ్మ ఇంట్లో తొలి దీపావళి సంబరాలు లబ్ధిదారుల కుటుంబాలతో కలిసి వేడుకల్లో పాల్గొన్న సర్పంచ్ చింతలగట్టు శివరాజ్ - November 9, 2026
- ఘనంగా ముఖ్యమంత్రి రేవంత్ రెడ్డి జన్మదిన వేడుకలు -పాల్గొన్న రాష్ట్ర కాంగ్రెస్ నాయకులు డా౹౹సిద్దం.ఉజ్వల్ రెడ్డి - November 9, 2026
జహిరాబాద్ రంగారెడ్డి జిల్లా అల్మాస్‌గూడలో మత ప్రచారం పేరుతో ఇద్దరు దళిత క్రైస్తవ మహిళలపై కొందరు మతోన్మాదులు విచక్షణారహితంగా దాడి చేయడాన్ని జహీరాబాద్ నియోజకవర్గ పాస్టర్స్ అసోసియేషన్ తీవ్రంగా ఖండించింది.
ఈ సందర్భంగా నియోజకవర్గ పాస్టర్స్ అసోసియేషన్ అధ్యక్షుడు పాస్టర్ కె. రమేష్ బాబు మాట్లాడుతూ, తెలుగు రాష్ట్రాల్లో—ముఖ్యంగా తెలంగాణలో—క్రైస్తవులపై దాడులు రోజురోజుకూ పెరిగిపోవడం ఆందోళనకరమని పేర్కొన్నారు. భారత రాజ్యాంగంలోని ఆర్టికల్ 25 పౌరులందరికీ ప్రాథమిక హక్కుగా మత స్వేచ్ఛను, తమ విశ్వాసాలను ప్రచారం చేసుకునే హక్కును కల్పించిందని, అలాంటి హక్కును మతోన్మాదంతో కాలరాయడం రాజ్యాంగంపై జరుగుతున్న దాడి అని ఆయన స్పష్టం చేశారు. ఎవరికి నచ్చిన మతాన్ని వారు ఆచరించే, ప్రకటించుకునే స్వేచ్ఛ ప్రజాస్వామ్యంలో ఉందని, చట్టాన్ని చేతుల్లోకి తీసుకుని దాడులకు తెగబడటం గర్హనీయమని మండిపడ్డారు.
సంగారెడ్డి జిల్లా పాస్టర్స్ అసోసియేషన్ అధ్యక్షుడు పాస్టర్ ఎం.ఎస్. పాల్ మాట్లాడుతూ, యేసుక్రీస్తు ప్రేమ సందేశంతో దేశవ్యాప్తంగా విద్యా, వైద్య రంగాల్లో క్రైస్తవులు నిస్వార్థ సేవలందిస్తున్నారని గుర్తుచేశారు. అలాంటి సమాజంపై దాడులకు పాల్పడటం అత్యంత సిగ్గుచేటని ఆవేదన వ్యక్తం చేశారు. ప్రభుత్వం, ప్రజాప్రతినిధులు మరియు పోలీసు యంత్రాంగం తక్షణమే స్పందించి, మతోన్మాద శక్తులపై కఠిన చట్టాల కింద కేసులు నమోదు చేసి సమాజంలో శాంతిభద్రతలను కాపాడాలని డిమాండ్ చేశారు. దాడులను నిలువరించకపోతే భవిష్యత్తులో హక్కుల సాధన కోసం పెద్ద ఎత్తున ఉద్యమిస్తామని హెచ్చరించారు.
ఈ కార్యక్రమంలో జహీరాబాద్ నియోజకవర్గ పరిధిలోని పలువురు పాస్టర్లు, క్రైస్తవ సంఘాల ప్రతినిధులు మరియు నాయకులు పెద్ద సంఖ్యలో పాల్గొన్నారు.
