శంకర్ పల్లి 2వ వార్డులో రూ. 70 లక్షలతో సీసీ రోడ్డు పనులకు ఎమ్మెల్యే కాలే యాదయ్య శంకుస్థాపన
- శంకర్పల్లి సాయి కాలనీ యువ గణేష్ ఆధ్వర్యంలో ఘనంగా ఆగమన్ - September 10, 2026
- శంకర్పల్లిలో చాకలి ఐలమ్మకు ఘన నివాళులు - September 10, 2026
- రంగారెడ్డి కబడ్డీ జట్ల ఎంపిక - September 10, 2026
శంకర్ పల్లి మున్సిపాలిటీ పరిధిలోని 2వ వార్డ్ గాయత్రి నగర్ లో రూ. 70 లక్షల మున్సిపల్ అభివృద్ధి నిధులతో చేపట్టనున్న సీసీ రోడ్డు నిర్మాణ పనులను చేవెళ్ల ఎమ్మెల్యే కాలే యాదయ్య ముఖ్య అతిథిగా హాజరై ప్రారంభించారు. మున్సిపల్ చైర్మన్ సాత ప్రవీణ్, 2వ వార్డు కౌన్సిలర్ సంధ్య అశోక్ కుమార్, వార్డు సభ్యులతో కలసి ఆయన కొబ్బరికాయ కొట్టి నిర్మాణ పనులకు శంకుస్థాపన చేశారు.
ఈ సందర్భంగా ఎమ్మెల్యే కాలే యాదయ్య మాట్లాడుతూ.. నియోజకవర్గ పరిధిలోని అన్ని వార్డులలో మౌలిక వసతుల కల్పనకు ప్రాధాన్యత ఇస్తున్నామని తెలిపారు. గాయత్రి నగర్ నివాసితులకు సీసీ రోడ్డు అందుబాటులోకి వస్తే డ్రైనేజీ, రవాణా సమస్యలు తీరుతాయని అన్నారు. నిర్మాణ పనుల్లో నాణ్యతా ప్రమాణాలు పాటించాలని, నిర్దేశిత సమయంలోగా పనులను పూర్తి చేయాలని అధికారులను సూచించారు.
మున్సిపల్ చైర్మన్ సాత ప్రవీణ్, కౌన్సిలర్ సంధ్య అశోక్ కుమార్ మాట్లాడుతూ.. శంకర్ పల్లి పట్టణాభివృద్ధికి ప్రజాప్రతినిధులమంతా కట్టుబడి ఉన్నామని చెప్పారు. తమ కాలనీలో రూ. 70 లక్షలతో రోడ్డు పనులకు శంకుస్థాపన చేసినందుకు గాయత్రి నగర్ ప్రజలు ఎమ్మెల్యే కాలే యాదయ్యకు, మున్సిపల్ పాలకవర్గానికి ధన్యవాదాలు తెలిపారు. ఈ కార్యక్రమంలో స్థానిక ప్రజాప్రతినిధులు, మున్సిపల్ అధికారులు, వార్డు నాయకులు, ಕಾಲనీవాసులు పాల్గొన్నారు.
