అక్రమ సంబంధం.. భర్త హత్యకు భార్య కుట్ర!
- పోయిన ఫోన్లకు భరోసా.. CEIRతో రికవరీ! - November 6, 2026
- ప్రభుత్వ అధికారి ముసుగులో మోసాలు! - November 6, 2026
- ఓటర్లకు మరో ఛాన్స్‌! - November 6, 2026
జయశంకర్ భూపాలపల్లి: వివాహ బంధానికి తీరని మచ్చ తెచ్చే దారుణ ఘటన జయశంకర్ భూపాలపల్లి జిల్లాలో వెలుగుచూసింది. అక్రమ సంబంధానికి అడ్డుగా ఉన్నాడనే కారణంతో కట్టుకున్న భర్తనే భార్య తన ప్రియుడితో కలిసి హతమార్చిన ఘటన గొల్లబుద్దారం తండాలో కలకలం రేపింది. వివరాల్లోకి వెళితే.. తండాకు చెందిన అజ్మీరా చందు (40)ను అతడి భార్య పావని, తన ప్రియుడు సంతోష్‌తో కలిసి హత్య చేసినట్లు పోలీసుల విచారణలో వెల్లడైంది. హత్య అనంతరం నేరాన్ని కప్పిపుచ్చే ప్రయత్నంలో భాగంగా మృతదేహాన్ని బస్తాలో మూటకట్టి ఎడ్లబండిపై తీసుకెళ్లి సమీపంలోని అడవిలో పడేసినట్లు సమాచారం. ఈ ఘటన స్థానికంగా తీవ్ర సంచలనం సృష్టించింది. సమాచారం అందుకున్న పోలీసులు కేసు నమోదు చేసి దర్యాప్తు చేపట్టారు. హత్యకు పాల్పడినట్లు ఆరోపణలు ఎదుర్కొంటున్న భార్య పావని, ఆమె ప్రియుడు సంతోష్‌ను పోలీసులు అరెస్టు చేశారు. అక్రమ సంబంధం నేపథ్యంలో చోటుచేసుకున్న ఈ దారుణ ఘటనతో గొల్లబుద్దారం తండాలో భయాందోళనలు నెలకొన్నాయి. హత్యకు సంబంధించిన పూర్తి వివరాలు, నేరానికి దారితీసిన పరిస్థితులపై పోలీసులు తదుపరి విచారణ కొనసాగిస్తున్నారు.
