వికారాబాద్ జిల్లాలో యువకుడి అనుమానాస్పద మృతి
- కృష్ణా బోర్డు సమావేశం వాయిదా - October 25, 2026
- కుటుంబ కలహాలతో యువకుడి ఆత్మహత్య - October 25, 2026
- వివాహేతర సంబంధం.. భార్య హత్య - October 25, 2026
జ్ఞాన తెలంగాణ, వికారాబాద్ జిల్లా:
వికారాబాద్ జిల్లాలో ఓ యువకుడు అనుమానాస్పద స్థితిలో మృతి చెందడం స్థానికంగా కలకలం రేపింది. పరిగి మండలం మైనమ్మ చెరువుతండా సమీపంలో ఈ ఘటన చోటుచేసుకుంది. ఎర్రోళ్ల సాయి (24) అనే యువకుడు చెట్టుకు ఉరేసుకున్న స్థితిలో విగతజీవిగా కనిపించాడు. అటుగా వెళ్లిన స్థానికులు యువకుడి మృతదేహాన్ని గుర్తించి వెంటనే కుటుంబసభ్యులకు సమాచారం అందించారు. సమాచారం అందుకున్న కుటుంబసభ్యులు ఘటనాస్థలానికి చేరుకుని మృతుడిని గుర్తించారు. అనంతరం పోలీసులకు ఫిర్యాదు చేయడంతో వారు కేసు నమోదు చేశారు. మృతదేహాన్ని పోస్టుమార్టం నిమిత్తం పరిగి ప్రభుత్వ ఆస్పత్రికి తరలించారు. యువకుడి మృతికి గల కారణాలు ఇంకా తెలియరాలేదు. ఇది ఆత్మహత్యనా, మరేదైనా కారణం ఉందా అనే కోణంలో పోలీసులు దర్యాప్తు చేపట్టారు. పోస్టుమార్టం నివేదిక, పోలీసుల విచారణ అనంతరం మరణానికి సంబంధించిన పూర్తి వివరాలు వెల్లడయ్యే అవకాశం ఉంది. 24 ఏళ్ల యువకుడు అనుమానాస్పద స్థితిలో మృతి చెందడంతో కుటుంబసభ్యులు విషాదంలో మునిగిపోయారు. ઘટનకు సంబంధించి మరిన్ని వివరాలు తెలియాల్సి ఉంది.
