నవంబర్ 4 తో ముగియనున్న DRDOలో అప్రెంటీస్ దరఖాస్తులు

జ్ఞానతెలంగాణ,జ్ఞాన దీక్షుచి,నవంబర్ 01 :

రక్షణ పరిశోధన మరియు అభివృద్ధి సంస్థ (DRDO) కింద పనిచేస్తున్న ఎలక్ట్రానిక్స్ అండ్ రాడార్ డెవలప్మెంట్ ఎస్టాబ్లిష్మెంట్ (LRDE), బెంగళూరులో అప్రెంటీస్ ఖాళీలకు నోటిఫికేషన్ విడుదలైంది. ఈ నోటిఫికేషన్ ద్వారా మొత్తం 105 పోస్టులు భర్తీ చేయనున్నారు. ట్రేడ్ (ఐటీఐ), టెక్నీషియన్ (డిప్లొమా), గ్రాడ్యుయేట్ (ఇంజినీరింగ్) విభాగాల్లో ఈ ఖాళీలు ఉన్నాయి. అభ్యర్థులు సంబంధిత విభాగాల్లో ఐటీఐ, డిప్లొమా లేదా ఇంజినీరింగ్ డిగ్రీ పూర్తి చేసి ఉండాలి. అభ్యర్థులను గేట్ స్కోరు, స్కిల్ టెస్ట్, ఇంటర్వ్యూ ద్వారా ఎంపిక చేస్తారు. దరఖాస్తు చేసుకోవాలనుకునే వారు apprenticeshipindia.gov.in పోర్టల్‌లో తప్పనిసరిగా నమోదు చేసుకుని, తరువాత DRDO అధికారిక వెబ్‌సైట్ www.drdo.gov.in ద్వారా ఆన్‌లైన్‌లో దరఖాస్తు చేయాలి. దరఖాస్తుల స్వీకరణ చివరి తేదీ నవంబర్ 4గా నిర్ణయించారు. ఎంపికైన అభ్యర్థులు DRDO మార్గదర్శకాల ప్రకారం శిక్షణ పొందుతారు. రక్షణ రంగంలో అనుభవం పొందాలనుకునే యువతకు ఇది ఒక అద్భుతమైన అవకాశం.