హైదరాబాద్ అలర్ట్ నీరు, విద్యుత్ 20% తగ్గించుకోవాలని ఎండీ ఆదేశం.
- హైదరాబాద్ అలర్ట్ నీరు, విద్యుత్ 20% తగ్గించుకోవాలని ఎండీ ఆదేశం. - October 25, 2026
- ముదిరాజ్‌లకు న్యాయం ఎప్పుడు? కాంగ్రెస్ ప్రభుత్వంపై బీజేపీ నేత శేఖర్ ముదిరాజ్ ఫైర్. - October 24, 2026
- మణికొండలో మితిమీరిన బహిరంగ మద్యపానం..అమృత్ వైన్స్ యాజమాన్యంపై చర్యలు తీసుకోవాలని మణికొండ వాసుల డిమాండ్. - October 24, 2026
హైదరాబాద్: నగరవాసులకు హైదరాబాద్ మెట్రోపాలిటన్ వాటర్ సప్లై అండ్ సీవరేజ్ బోర్డ్ (HMWSSB) అత్యంత కీలకమైన సూచనలు చేసింది. రానున్న రోజుల్లో నగరంలో తీవ్ర నీటి సమస్య ఏర్పడే అవకాశం ఉందని వాటర్ బోర్డు మేనేజింగ్ డైరెక్టర్ (MD) అశోక్ హెచ్చరించారు. ఈ నేపథ్యంలో ప్రజలందరూ అప్రమత్తంగా ఉండాలని, తమ దైనందిన జీవితంలో నీరు మరియు విద్యుత్ వినియోగాన్ని కనీసం 20 శాతం మేర తగ్గించుకోవాలని ఆయన స్పష్టం చేశారు.
నీటి కొరతతో పాటు విద్యుత్ ఆదాను కూడా ప్రోత్సహించేందుకు ప్రభుత్వ రంగంలో కఠినమైన నిబంధనలను అమలు చేయాలని వాటర్ బోర్డు నిర్ణయించింది.
అన్ని ప్రభుత్వ కార్యాలయాల్లో సాయంత్రం 5 గంటలు దాటిన తర్వాత ఎయిర్ కండిషనర్లను (ACs) పూర్తిగా బంద్ చేయాలి. ఒకవేళ పని వేళల్లో ఏసీలను వినియోగించినా, వాటి ఉష్ణోగ్రతను ఖచ్చితంగా 25 డిగ్రీల సెల్సియస్‌ వద్దే నిర్వహించాలి.
ప్రభుత్వ ఉద్యోగులు మరియు సిబ్బంది విధులు ముగించుకుని ఇంటికి వెళ్లే ముందు తమ పరిధిలోని లైట్లు, ఫ్యాన్లు మరియు కంప్యూటర్లను తప్పనిసరిగా ఆపేసి వెళ్ళాలని ఎండీ అశోక్ ఆదేశించారు.
భవిష్యత్తులో రాబోయే నీటి ఎద్దడిని సమర్థవంతంగా ఎదుర్కొనేందుకు ప్రభుత్వ శాఖలతో పాటు నగర ప్రజలు కూడా భాగస్వాములు కావాలని, ప్రతి ఒక్కరూ బాధ్యతగా నీటిని, విద్యుత్‌ను పొదుపు చేయాలని అధికారులు కోరుతున్నారు.
