అర్హులందరికీ ఇందిరా మహిళా చీరలు అందిస్తాం: చేవెళ్ల ఎమ్మెల్యే కాలే యాదయ్య
చేవెళ్ల ఎమ్మెల్యే కాలే యాదయ్య మాట్లాడుతూ అర్హులైన ప్రతి మహిళకు ఇందిరా మహిళా శక్తి చీరలు అందేలా చర్యలు తీసుకుంటామని అన్నారు. నవాబ్‌పేట్ మండల కేంద్రంలోని ఎంపిడిఓ కార్యాలయంలో “మహిళా ఉన్నతి – తెలంగాణ ప్రగతి” పేరిట నిర్వహించిన కార్యక్రమంలో డ్వాక్రా సంఘాల మహిళలకు చీరలను పంపిణీ చేశారు.కార్యక్రమాన్ని జ్యోతి ప్రజ్వలనతో ప్రారంభించిన అనంతరం వెలుగు ప్రార్థన ఆలపించబడింది. ఈ సందర్భంగా మాట్లాడిన ఎమ్మెల్యే కాలే యాదయ్య, రాష్ట్ర ముఖ్యమంత్రి రేవంత్ రెడ్డి లక్ష్యం రాష్ట్రంలోని కోటి మంది మహిళలను ఆర్థికంగా బలోపేతం చేయడం అని స్పష్టం చేశారు. ఇందిరా మహిళా శక్తి పథకం ద్వారా మహిళా సశక్తీకరణ దిశగా ప్రభుత్వం ముందుకు సాగుతున్నదని తెలిపారు.ప్రజాగ్రహ ప్రభుత్వంగా పేదల అభ్యున్నతే తమ ధ్యేయమని, అనేక సంక్షేమ పథకాలను రాష్ట్ర ప్రభుత్వం అమలు చేస్తున్నదని గుర్తు చేశారు. పేదల ఆర్థిక స్థితి మెరుగుపడేందుకు ప్రభుత్వం ప్రతి అడుగు మహిళలకు అండగా నిలుస్తుందని పేర్కొన్నారు.కార్యక్రమంలో ప్రజాప్రతినిధులు, అధికారులు, మాజీ ప్రజాప్రతినిధులు, పార్టీ నాయకులు, కార్యకర్తలు తదితరులు పాల్గొన్నారు.
