అమీన్ పూర్ లో “సదర్ సమ్మేళనం

• ముఖ్య అతిథిగా పాల్గొన్న మాజీ చైర్మన్ తుమ్మల పాండురంగారెడ్డి..
• యాదవుల సంక్షేమానికి సంపూర్ణ సహకారం..
• ఆకట్టుకున్న దున్నపోతుల విన్యాసం

అమీన్ పూర్,అక్టోబర్ 24 (జ్ఞాన తెలంగాణ) :

అమీన్ పూర్ మున్సిపల్ పరిధిలోని పెద్ద చెరువు సాయిబాబా గుడి సమీపంలో, రాగం సోదరులు, జిల్లా పరిషత్ హై స్కూల్ సమీపంలో మెండే కుటుంబం ఆధ్వర్యంలో ఘనంగా సదర్ సంబరాలు నిర్వహించబడ్డాయి.
ఈ కార్యక్రమంలో మున్సిపల్ మాజీ చైర్మన్ తుమ్మల పాండురంగారెడ్డి ముఖ్య అతిథిగా పాల్గొన్నారు. యాదవులు దున్నపోతులను అందంగా అలంకరించి వివిధ విన్యాసాలు ప్రదర్శించారు.
సమావేశంలో మాట్లాడుతూ, పాండురంగారెడ్డి యాదవులు సహజ స్వభావం ప్రకారం సేవాభావం కలిగి ఉంటారని, సమాజంలో తమ ప్రత్యేకతను ఎల్లప్పుడూ చాటుకుంటారని అన్నారు. అలాగే, యాదవుల సంక్షేమానికి సంపూర్ణ సహకారం అందిస్తున్నారని తెలిపారు.
కార్యక్రమంలో మాజీ కౌన్సిలర్ కృష్ణ, కొల్లూరు చంద్రకళ గోపాల్, కో ఆప్షన్ సభ్యులు తల్లారి రాములు, సీనియర్ నాయకులు కొల్లూరు యాదగిరి, దాసు యాదవ్ తదితరులు పాల్గొన్నారు.