వినాయక స్టీల్ లో విద్యుత్ ఘాతనికి గురైన వలస కార్మికుడు రమేష్ పాండే
- ఎన్ని అనర్థాలు అవుతున్న పట్టించుకొని యాజమాన్యాలు
- రమేష్ మరణంతో కుటుంబంలో విషాదఛాయలు
కొత్తూరు పట్టణంలోని వినాయక స్టీల్ ప్రైవేట్ లిమిటెడ్ పరిశ్రమలో పని చేస్తున్న రమేష్ పాండే(41) అనే ఫిట్టర్ శనివారం రాత్రి విధులు నిర్వహిస్తుండగా విద్యుత్ ఘాతనికి గురై మృతి చెందాడు.
రాత్రి 12:30 గంటల సమయంలో ఫర్నేస్ ఆగిపోవడం తో దానిని శుభ్రం చేసే క్రమంలో ప్రమాదవశాత్తు విద్యుత్ షాక్ కు గురయ్యాడు. ప్రమాదం చోటు చేసుకున్న సమయంలో పరిశ్రమలో ఇతర కార్మికులు శంభు యాదవ్, సంతోష్ కుమార్ కూడా పనిచేస్తుండగా, షాక్ కి గురైన రమేష్ నీ చూసి అక్కడి నుండి బయటకు తీసుకోచ్చారు ఆసుపత్రికి తీసుకెళ్లడానికి కంపనీ యాజమాన్యం ఎలాంటి వాహనాలు ఏర్పాటు చెయ్యక, పిక్ అప్ వాన్ లో హైదరాబాద్ లో ఉన్న ఉస్మానియా ఆసుపత్రి కి తీసుకెళ్లగా వైద్యులు పరీక్షించి అప్పటికే మృతి చెందాడు అని తెలియచేశాడు.
మృతుడి కుటుంబ సభ్యులు, సహచరులు కంపెనీ యాజమాన్య నిర్లక్ష్యమే ఈ విషాదానికి కారణమని తీవ్రంగా ఆరోపిస్తున్నారు.
సకాలంలో కంపనీ యాజమాన్యం వెంటనే స్పందించి ఉంటే మా నాన్న బతికే వాడని రమేష్ పాండే పిల్లలు వాపోతున్నారు.
పరిశ్రమలో సరైన భద్రతా ప్రమాణాలు, రక్షణ పరికరాలు, మెరుగైన విద్యుత్ వ్యవస్థలు లేవని వారు మండిపడ్డారు. హెచ్చరిక బోర్డుల వంటి ప్రాథమిక సదుపాయాలు కూడా సరిగా లేవని కుటుంబ సభ్యులు దుయ్యబట్టారు. రమేష్ ప్రాణం పోయాక అయినా అధికార యంత్రాంగం మేల్కొని, ఇతర కార్మికుల భద్రత కోసం చర్యలు తీసుకోవాలని వారు డిమాండ్ చేస్తున్నారు. . రమేష్ మరణంతో కుటుంబంలో విషాదఛాయ నెలకొనగా, ఇద్దరు చిన్న పిల్లల భవిష్యత్తు ఏందనే ఆందోళన బంధువులను వేధిస్తోంది. రమేష్ కుటుంబానికి తక్షణమే ఆర్థిక సాయం, మరియు కంపెనీ నుంచి నష్టపరిహారం ప్రకటించాలని కుటుంబ సభ్యుల పెద్ద సంఖ్యలో వచ్చి కంపనీ ద్వారం ముందు బైఠాయించి ఆందోళన చేశారు.రమేష్ పాండే భార్య రీతూ దేవి పిర్యాదు తో పోలీసులు కేసు నమోదు చేసి దర్యాప్తు చేస్తున్నారు.
