దశాబ్ద కాలంగా ప్రజల సంపదను దోచుకున్న బిఆర్ఎస్

దశాబ్ద కాలంగా ప్రజల సంపదను దోచుకున్న బిఆర్ఎస్

తెలంగాణ / భద్రాద్రి కొత్తగూడెం జిల్లా : డిప్యూటీ సీఎం గా పదవి బాధ్యతలు చేపట్టిన తర్వాత తొలిసారిగా భద్రాద్రి కొత్తగూడెం జిల్లాకు విచ్చేసిన ఉప ముఖ్యమంత్రి భట్టి విక్రమార్క మల్లు, మంత్రులు తుమ్మల నాగేశ్వరరావు, పొంగులేటి శ్రీనివాస్ రెడ్డిలకు అడుగడుగున ప్రజలు భారీ గజ మాలలతో ఘనంగా స్వాగతం పలికారు. కొత్తగూడెం నియోజకవర్గం పాల్వంచ మండల కేంద్రంలోని సుగుణా గార్డెన్స్ లో శాసనసభ్యులు కూనంనేని సాంబశివరావు ఆధ్వర్యంలో డిప్యూటీ సీఎం భట్టి విక్రమార్క మల్లు, మంత్రులు తుమ్మల నాగేశ్వరావు, పొంగులేటి శ్రీనివాస్ రెడ్డిలకు అభినందన సత్కార కార్యక్రమం నిర్వహించారు. పట్టు శాలువా కప్పి, పుష్పగుచ్చం అందించి మంత్రులకు అభినందనలు తెలిపారు.

ఈ సందర్భంగా ఏర్పాటు చేసిన కార్యక్రమంలో డిప్యూటీ సీఎం భట్టి విక్రమార్క మల్లు ప్రసంగించారు. భట్టి విక్రమార్క కామెంట్స్ ఎన్ని ఆర్థిక సవాళ్లు వచ్చినా అధిగమించి ప్రకటించిన ఆరు గ్యారెంటీలు ఖచ్చితంగా అమలు చేసి తీరుతామన్నారు. తమ ప్రభుత్వం ఇచ్చిన మాటను తప్పదు. ఎప్పుడు వెనక్కి తీసుకోలేదన్నారు. ఎన్నికల్లో ఇచ్చిన మాట ప్రకారం ఆరు గ్యారెంటీలు అమలు చేస్తుందని, ఇంటింటికి వెళ్లి ప్రజలకు చెప్పాలని కార్యకర్తలకు పిలుపునిచ్చారు. ప్రకటించిన ఆరు గ్యారెంటీల్లో ప్రభుత్వం ఏర్పడిన రెండు రోజుల్లోనే రెండు గ్యారెంటీలు అమలు చేసిందని కూడా ప్రజలకు వివరించాలని పిలుపునిచ్చారు. మహాలక్ష్మి పథకంలో భాగంగా మహిళలకు ఉచితంగా ఆర్టీసీ బస్సు ప్రయాణ సౌకర్యాన్ని కల్పించే గ్యారంటీని నెరవేర్చాం. ఆరోగ్య తెలంగాణగా ఉండాలని ప్రతి ఇంటికి లబ్ధి చేకూర్చే విధంగా రాజీవ్ ఆరోగ్యశ్రీ సాయాన్ని 10 లక్షల రూపాయలకు పెంచుతూ రెండో గారంటీని అమలు చేశాం. మిగతా నాలుగు గ్యారెంటీలు కూడా 100 రోజుల లోపు అమలు చేస్తాం.

తెలంగాణ ప్రజలు తమకు ఓట్లు వేసి ప్రజల ప్రభుత్వం తెచ్చుకున్నారని చెప్పారు. దశాబ్ద కాలం ఈ రాష్ట్రాన్ని పరిపాలించిన గత ప్రభుత్వం ప్రజల సంపదను దోపిడీ చేశారన్నారు. ప్రజల సంపదను గత ప్రభుత్వ పెద్దలు లూటీ చేయడంతో సమస్యలు పరిష్కారం కాకపోవడంతో విసిగి వేసారి పోయిన ప్రజలు మార్పును కోరుకున్నారని చెప్పారు. ప్రజలు మార్పు కోరుకోవడం వల్లే ఖమ్మం జిల్లాలో ఉన్న పది అసెంబ్లీ స్థానాల్లో తొమ్మిది అసెంబ్లీ స్థానాల్లో తాము గెలిచామని చెప్పారు. ప్రజలు కోరుకున్న మార్పుకు అనుగుణంగా ప్రజల ఆశలు ఆకాంక్షలు నెరవేర్చే విధంగా ఉమ్మడి జిల్లా అభివృద్ధికి ముగ్గురు మంత్రులం శక్తి వంచన లేకుండా కృషి చేస్తాము. భద్రాద్రి కొత్తగూడెం జిల్లా తమ ప్రభుత్వ హాయాం లోనే బహుళార్థ సాధక ప్రాజెక్టులు, పరిశ్రమలు వచ్చి ఈ ప్రాంత అభివృద్ధి జరిగిందన్నారు. గిరిజనులు ఎక్కువగా ఉన్న ఈ ప్రాంత అభివృద్ధి తమ ప్రభుత్వ హయాంలోనే జరిగిందని చెప్పారు. కొత్తగూడెం నియోజకవర్గం తమకు కంచుకోటని చెప్పారు. ఎన్నికల పొత్తులో భాగంగా కొత్తగూడెం నియోజకవర్గం మిత్రపక్ష అభ్యర్థిని నిలబెట్టడం జరిగింది. గత ఎన్నికల్లో తమ పార్టీ నుంచి గెలుపొందిన ఎమ్మెల్యే పార్టీకి ద్రోహం చేసి బిఆర్ఎస్ పార్టీలో చేరడం వల్ల గెలిపించిన ప్రజలు తీవ్ర మానసిక క్షోభకు గురయ్యారు. పార్టీకి ద్రోహం చేసి వేరే పార్టీలోకి వెళ్లినందున ఓడించాలని కసితో పనిచేసి కూనంనేని సాంబశివరావు గెలిపించిన ప్రజలలకు అభినందనలు.

సాంబశివరావు చాలా మృదు స్వభావి, రాజకీయాలు చేయకుండా ప్రజాసేవ చేయాలని నిత్యం ఆలోచన చేసే ఎమ్మెల్యేని గెలిపించుకోవడం మీ అదృష్టం ఎమ్మెల్యే పదవిని అడ్డుపెట్టుకొని ప్రజలను పీడించాలనే మనస్తత్వం ఉన్న వ్యక్తి సాంబశివరావు కాదు. కొత్తగూడెంలో కూనమనేని సాంబశివరావును గెలిపించుకోవడం వల్ల ప్రజలకు స్వేచ్ఛ వచ్చిందని చెప్పారు. ఈ అభినందన కార్యక్రమంలో ఇల్లందు శాసనసభ్యులు కోరం కనకయ్య, పినపాక శాసనసభ్యులు పాయం వెంకటేశ్వర్లు, సత్తుపల్లి శాసనసభ్యులు మట్టా రాగమయి, అశ్వరావుపేట శాసనసభ్యులు ఆదినారాయణ తదితరులు పాల్గొన్నారు.