పది పరీక్షా కేంద్రాలను పరీక్షించిన ఎంపీడీవో వెంకయ్య గౌడ్- విద్యార్థులకు మార్గదర్శకాలు

విద్యార్థులు ప్రశాంతంగా పరీక్షలు రాయాలని సూచన

జ్ఞాన తెలంగాణ, శంకర్‌పల్లి, ప్రతినిధి:శంకర్‌పల్లి మండలంలో పదవ తరగతి వార్షిక పరీక్షలు ప్రశాంతంగా నిర్వహించేందుకు శుక్రవారం ఎంపీడీవో వెంకయ్య గౌడ్ పలు పరీక్షా కేంద్రాలను పరిశీలించారు. ఈ సందర్భంగా తెలంగాణ ఆదర్శ పాఠశాల, జిల్లా పరిషత్ బాలుర ఉన్నత పాఠశాలను సందర్శించి, పరీక్షా నిర్వహణకు సంబంధించిన ఏర్పాట్లను సమీక్షించారు.

పరీక్ష కేంద్రాలను తనిఖీ చేసిన అనంతరం ఎంపీడీవో మాట్లాడుతూ, పరీక్షల సమయంలో విద్యార్థులు ఏవిధమైన ఒత్తిడికి గురి కాకుండా ప్రశాంతంగా పరీక్షలు రాయాలన్నారు. విద్యార్థులు తప్పనిసరిగా పరీక్ష ప్రారంభానికి పది నిమిషాల ముందే పరీక్షా కేంద్రానికి హాజరయ్యి తమ హాల్ టికెట్, అవసరమైన స్టేషనరీ సామగ్రిని ముందుగా సిద్ధం చేసుకోవాలని సూచించారు. అదేవిధంగా, అకడమిక్ నియమాలు పాటించి క్రమశిక్షణతో ఉండాలని విద్యార్థులకు నుద్దేశించి మాట్లాడారు.

ఈ తనిఖీల్లో మండల వ్యవసాయ శాఖ అధికారి చైతన్య, డా. ఉమామహేశ్వరరావు, పోలీసు సిబ్బంది పాల్గొని పరీక్షా కేంద్రాల వద్ద భద్రతా ఏర్పాట్లను పరిశీలించారు. విద్యార్థులు నిబంధనల ప్రకారం పరీక్షలు రాస్తున్నారా..? కేంద్రాల్లో అవసరమైన వసతులు ఉన్నాయా? అనే విషయాలపై ప్రత్యేకంగా దృష్టి సారించారు.

పరీక్షల సమయంలో అయోమయం, నకిలీ చర్యలు జరుగకుండా ప్రత్యేక నిఘా పెట్టినట్లు పోలీసులు తెలిపారు. పరీక్షా కేంద్రాల్లో విద్యార్థులు నైతిక విలువలు పాటిస్తూ, సమయాన్ని సద్వినియోగం చేసుకోవాలని సూచించారు.

మండల విద్యా శాఖ అధికారి మాట్లాడుతూ, పరీక్షా కేంద్రాల్లో తాగునీరు, గాలివిడుపు, టాయిలెట్ సౌకర్యాలను పరిశీలించినట్లు తెలిపారు. విద్యార్థులకు ఎలాంటి ఇబ్బందులు లేకుండా పరీక్షలు రాయడానికి అధికారులు ప్రత్యేకంగా శ్రద్ధ వహిస్తున్నామని చెప్పారు.

ఈ తనిఖీల సందర్భంగా ఎంపీడీవో వెంకయ్య గౌడ్ విద్యార్థులతో కలిసి మాట్లాడి ఆత్మవిశ్వాసంతో పరీక్షలు రాయాలని, ఏదైనా సమస్య ఉంటే వెంటనే అధికారులకు తెలియజేయాలని సూచించారు.