ఈ నెల 4న వనపర్తి కి ఉపముఖ్యమంత్రి మల్లు భట్టి విక్రమార్క

– గోపాల్ పేట్, రేవల్లి మండలాలకు పల్లు అభివృద్ధి పనులను ప్రారంభించడానికి రానున్న భట్టి విక్రమార్క

– గోపాల్ పేట్ మండల కేంద్రములోని పద్మావతి గార్డెన్ లో ముఖ్య కార్యకర్తల సమావేశం

ఙ్ఞాన తెలంగాణ, వనపర్తి జిల్లా ప్రతినిధి :

జనవరి 4వ తేదీన వనపర్తి నియోజకవర్గంలోని పల్లు అభివృద్ధి పనుల ప్రారంభంలో ఉప ముఖ్యమంత్రి మల్లు భట్టి విక్రమార్క గారు పాల్గొన్నట్లు వనపర్తి స్థానిక ఎమ్మెల్యే తూడి మేఘారెడ్డి గారు వారు నిన్న ఓ ప్రకటనలో అన్నారు. ఎమ్మెల్యే తూడి మేఘా రెడ్డి గారు మాట్లాడుతూ జనవరి 4వ తేదిన శనివారం రోజు మధ్యాహ్నం 2 గంటలకు రేవల్లి మండల పరిధిలోని తల్పనూరు గ్రామంలో నూతనంగా ఏర్పాటు చేసిన 33/11KV విద్యుత్ ఉప కేంద్రాన్ని ప్రారంబించనున్నారు. అలాగే మధ్యాహ్నం 3 గంటలకు గోపాల్ పేట్ మండల పరిధిలోని ఏదుట్ల గ్రామంలో నూతనంగా ఏర్పాటు చేసిన 33/11KV విద్యుత్ ఉప కేంద్రాన్ని ప్రారంభించనున్నారు.కార్యక్రమం అనంతరం గోపాల్ పేట్ మండల కేంద్రంలోనీ పద్మావతి గార్డెన్ లో ఏర్పాటు చేసిన ముఖ్య కార్యకర్తల సమావేశంలో ఆయన పాల్గొనున్నారు. ఈ కార్యక్రమంలో జిల్లా మంత్రివర్యులు జూపల్లి కృష్ణారావు,రాష్ట్ర ప్రణాళిక సంఘం ఉపాధ్యక్షులు డాక్టర్ జిల్లేల చిన్నారెడ్డి గారు, పార్ల మెంటు సభ్యులు డాక్టర్ మల్లు రవి గారు,రాష్ట్ర స్పోర్ట్స్ అథారిటీ ఛైర్మెన్ శివసేన రెడ్డి గారు పాల్గొంటారని ఆయన అన్నారు. ఈ కార్యక్రమానికి వనపర్తి జిల్లాలోని గోపాల్ పేట్, రేవల్లి మండలాల ముఖ్య కార్యకర్తలు,నాయకులు మరియు ప్రతి ఒక్క హోదా గల నాయకులు పెద్ద ఎత్తున హాజరై విజయవంతం చేయాలని వారు కోరారు.