సర్దార్ సర్వాయి పాపన్న గౌడ్ – అన్యాయాన్ని ఎదిరించిన ప్రజాసేవకుడు
సర్దార్ సర్వాయి పాపన్న గౌడ్ – అన్యాయాన్ని ఎదిరించిన ప్రజాసేవకుడు
- తెలంగాణ రాష్ట్ర ప్రజలకు పాపన్న గౌడ్ 375వ జయంతి శుభాకాంక్షలు
- ఆల్ ఇండియా అంబేడ్కర్ సంఘం, రాష్ట్ర సహాయ కార్యదర్శి – తొండ యాదయ్య
జ్ఞాన తెలంగాణ, శంకర్ పల్లి:
ఆల్ ఇండియా అంబేడ్కర్ సంఘం, తెలంగాణ రాష్ట్ర సహాయ కార్యదర్శి తొండ యాదయ్య, సర్దార్ సర్వాయి పాపన్న గౌడ్ గారి 75వ జన్మదినోత్సవం సందర్భంగా హృదయపూర్వక శుభాకాంక్షలు తెలిపారు.ఈ సందర్భంగా ఆయన మాట్లాడుతూ.., “సర్దార్ సర్వాయి పాపన్న గౌడ్ తెలంగాణ ప్రజల సంక్షేమం కోసం తన జీవితాన్ని అంకితం చేసి, అన్యాయాన్ని నిరంతరం ఎదుర్కొన్న గొప్ప ప్రజాసేవకుడు. ఆయన గ్రామీణ అభివృద్ధి, పేద వర్గాల సంక్షేమం, విద్యార్థుల భవిష్యత్తు కోసం చేసిన ప్రతి ప్రయత్నం స్ఫూర్తిదాయకంగా ఉంది. మనకు అతి ముఖ్యమైన నాయకుడు, నిజమైన ప్రజాసేవకుడని” ఘనంగా కొనియాడారు.అయన జీవితాంతం ప్రజా సంక్షేమానికి అంకితమై, రాజకీయ, సామాజిక రంగాలలో చూపిన దిశ మరియు త్యాగం తెలంగాణకు ఆదర్శంగా నిలుస్తుంది అని తొండ యాదయ్య అన్నారు. సర్దార్ సర్వాయి పాపన్న గౌడ్ జయంతి ప్రతి సంవత్సరం మనకు ఆయన సేవలను స్మరించడానికి, యువతను ప్రజా సేవకు ప్రేరేపించడానికి ఒక అవకాశమని ఆయన అన్నారు.సర్దార్ సర్వాయి పాపన్న గౌడ్ గారు కేవలం నాయకుడే కాకుండా, తెలంగాణ ప్రజల గుండెల్లో శాశ్వతంగా నిలిచిపోయిన ధైర్యసాహసాల ప్రతీక. ఆయన ప్రజల కోసం చేసిన పోరాటం, ఆత్మగౌరవాన్ని కాపాడిన తీరు, నిర్భయంగా అన్యాయానికి ఎదురు నిలిచిన తత్వం ఇవన్నీ ఆయనను ఒక యుగనాయకుడిగా నిలిపాయి. పాపన్న గారి జీవితం ప్రజాస్వామ్యానికి, సమానత్వానికి, సామాజిక న్యాయానికి ప్రతీకగా ఈ తరాలకే కాక రాబోయే తరాలకు కూడా ప్రేరణగా నిలుస్తుందని ఆల్ ఇండియా అంబేద్కర్ సంఘం రాష్ట్ర సహాయ కార్యదర్శి తొండ యాదయ్య అన్నారు.
