సింగపూర్లో కాంగ్రెస్ జెండా కార్యక్రమంపార్టీ కార్యాలయం ఘన ప్రారంభం
- జెండా ఆవిష్కరణతో పార్టీ కార్యకలాపాలకు నూతన ఊపు
- ప్రజలకు అందుబాటులో వేదిక
జ్ఞానతెలంగాణ,శంకర్ పల్లి :
సింగపూర్ పట్టణంలోని 1, 9, 10 మున్సిపల్ వార్డుల పరిధిలో కాంగ్రెస్ పార్టీ జెండా కార్యక్రమం మరియు కాంగ్రెస్ పార్టీ కార్యాలయాన్ని ఘనంగా ప్రారంభించారు. పార్టీ బలోపేతం, ప్రజల సమస్యల పరిష్కారమే లక్ష్యంగా నిర్వహించిన ఈ కార్యక్రమం ఉత్సాహభరితంగా సాగింది. పెద్ద సంఖ్యలో కాంగ్రెస్ నాయకులు, కార్యకర్తలు పాల్గొని కార్యక్రమాన్ని విజయవంతం చేశారు.
ఈ కార్యక్రమానికి ముఖ్య అతిథిగా టీపీసీసీ అధికార ప్రతినిధి ఉదయ్ మోహన్ రెడ్డి హాజరయ్యారు. ఆయన ప్రసంగిస్తూ, కాంగ్రెస్ పార్టీ ఎప్పుడూ ప్రజల పక్షానే నిలిచిందని, పేదలు, బడుగు, బలహీన వర్గాల అభ్యున్నతే పార్టీ ప్రధాన లక్ష్యమని స్పష్టం చేశారు. క్షేత్రస్థాయిలో పార్టీని మరింత బలోపేతం చేస్తూ, ప్రజల్లోకి వెళ్లి కాంగ్రెస్ విధానాలను విస్తృతంగా వివరించాలని కార్యకర్తలకు పిలుపునిచ్చారు.మున్సిపల్ అధ్యక్షుడు ప్రకాష్ గుప్తా, మండల పార్టీ అధ్యక్షుడు జనార్దన్ రెడ్డి మాట్లాడుతూ, సింగపూర్ మున్సిపాలిటీలో కాంగ్రెస్ పార్టీకి ప్రజల నుంచి మంచి స్పందన లభిస్తున్నదని తెలిపారు. అభివృద్ధి, సంక్షేమమే ధ్యేయంగా పనిచేస్తూ, ప్రతి వార్డులో పార్టీ ఉనికిని మరింత బలపరుస్తామని వెల్లడించారు.
ఈ కార్యక్రమంలో మండల కాంగ్రెస్ జనరల్ సెక్రటరీ, మార్కెట్ డైరెక్టర్ ఏనుగు రవీందర్ రెడ్డి, AMC డైరెక్టర్ సుధాకర్ రెడ్డితో పాటు కాంగ్రెస్ నాయకులు ఎర్రోళ్ల రాంచందర్, రుద్రారం శ్రీధర్, మల్లేష్, ఆనంద్, చాకలి ప్రశాంత్, జైపాల్ రెడ్డి, భిక్షపతి, శ్రీనివాస్ ముదిరాజ్ తదితరులు పాల్గొన్నారు.
పార్టీ కార్యాలయం ప్రారంభంతో సింగపూర్లో కాంగ్రెస్ కార్యకలాపాలకు మరింత ఊపు వస్తుందని నాయకులు ఆశాభావం వ్యక్తం చేశారు. ప్రజలకు అందుబాటులో ఉండే వేదికగా ఈ కార్యాలయం నిలుస్తుందని, రాబోయే రోజుల్లో పార్టీ కార్యక్రమాలు మరింత చురుకుగా నిర్వహించనున్నట్లు తెలిపారు.
