శంకర్పల్లి పురపాలక సంఘంలో అంగరంగ వైభవంగా 77వ గణతంత్ర దినోత్సవ వేడుకలు

జ్ఞాన తెలంగాణ,శంకర్ పల్లి :
శంకర్పల్లి పురపాలక సంఘంలో 77వ గణతంత్ర దినోత్సవ వేడుకలు అంగరంగ వైభవంగా నిర్వహించారు. మున్సిపల్ కమిషనర్ ఆధ్వర్యంలో పురపాలక సంఘ కార్యాలయ ఆవరణలో జాతీయ జెండా ఆవిష్కరణ కార్యక్రమం ఘనంగా జరిగింది. ఈ సందర్భంగా దేశానికి గణతంత్ర హోదా తీసుకొచ్చిన రాజ్యాంగ విలువలను గుర్తు చేసుకుంటూ, ప్రజాసేవే లక్ష్యంగా పనిచేయాల్సిన బాధ్యత ప్రతి ఒక్కరిపై ఉందని వక్తలు పేర్కొన్నారు.
ఈ కార్యక్రమంలో మాజీ ప్రజా ప్రతినిధులు, మున్సిపల్ ఆఫీస్ సిబ్బంది, మెప్మా సిబ్బంది పెద్ద సంఖ్యలో పాల్గొన్నారు. అలాగే శంకర్పల్లి పురపాలక సంఘ పరిధిలోని అన్ని వార్డు కార్యాలయాల్లోనూ సంబంధిత వార్డు అధికారులు జాతీయ జెండాను ఆవిష్కరించి గణతంత్ర దినోత్సవాన్ని నిర్వహించారు.
వేడుకల్లో మాజీ వైస్ చైర్మన్ వెంకట్రామిరెడ్డి, మార్కెట్ కమిటీ వైస్ చైర్మన్ కా శెట్టి చంద్ర మోహన్, స్థానిక నాయకులు సాత ప్రవీణ్ కుమార్, వై ప్రకాష్, బద్దం శశిధర్ రెడ్డి, మాజీ కౌన్సిలర్లు, అశోక్, కో-ఆప్షన్ సభ్యులు తదితరులు పాల్గొన్నారు. జాతీయ గీతం ఆలపించిన అనంతరం గణతంత్ర దినోత్సవ ప్రాధాన్యతపై మాట్లాడారు.
దేశ ఐక్యత, సమగ్రత, ప్రజాస్వామ్య విలువల పరిరక్షణలో ప్రతి పౌరుడు భాగస్వామి కావాలని, ముఖ్యంగా స్థానిక సంస్థలు ప్రజల సంక్షేమం కోసం నిరంతరం కృషి చేయాల్సిన అవసరం ఉందని నాయకులు పిలుపునిచ్చారు. అనంతరం స్వీట్లు పంచుకొని పరస్పరం శుభాకాంక్షలు తెలియజేశారు. ఈ విధంగా శంకర్పల్లి పురపాలక సంఘంలో 77వ గణతంత్ర దినోత్సవ వేడుకలు విజయవంతంగా ముగిశాయి.