హైదరాబాద్లో వ్యాపారి దారుణ హత్య…
పాత కక్షల కోణంలో దర్యాప్తు
హైదరాబాద్ నగరంలో ఓ యువ వ్యాపారి దారుణ హత్యకు గురైన ఘటన కలకలం రేపుతోంది. రాజేంద్రనగర్ పోలీస్ స్టేషన్ పరిధిలోని హిమాయత్ సాగర్ సమీపంలో పాక్షికంగా కాలిపోయిన స్థితిలో ఓ వ్యక్తి మృతదేహం కనిపించడం సంచలనం సృష్టించింది. స్థానికులు గమనించి పోలీసులకు సమాచారం అందించగా, వెంటనే రాజేంద్రనగర్ పోలీసులు క్లూస్ టీమ్తో కలిసి ఘటనాస్థలికి చేరుకుని ఆధారాలు సేకరించారు.
మృతుడిని టోలిచౌకి ప్రాంతానికి చెందిన వ్యాపారి మహ్మద్ అమీర్గా గుర్తించారు. గుర్తుతెలియని వ్యక్తులు పథకం ప్రకారమే అమీర్ను హత్య చేసి, అనంతరం ఆధారాలు చెరిపివేయాలనే ఉద్దేశంతో మృతదేహంపై పెట్రోల్ పోసి తగలబెట్టారని కుటుంబ సభ్యులు ఆరోపిస్తున్నారు. ఈ ఘటన వెనుక పాత కక్షలు లేదా వ్యాపార విభేదాలు కారణమై ఉండవచ్చని అనుమానాలు వ్యక్తమవుతున్నాయి.
మృతదేహాన్ని పోస్టుమార్టం కోసం ఉస్మానియా ఆసుపత్రికి తరలించారు. కేసు నమోదు చేసిన పోలీసులు అన్ని కోణాల్లో దర్యాప్తు ప్రారంభించారు. సీసీటీవీ దృశ్యాలు, కాల్ డేటా ఆధారాలు పరిశీలిస్తూ నిందితుల ఆనవాళ్ల కోసం గాలిస్తున్నారు. నగరంలో చోటుచేసుకున్న ఈ హత్య సంఘటన స్థానికుల్లో ఆందోళన కలిగిస్తోంది.
