ఐదు ఉద్యోగాలు సాధించిన నాగుల మంగారాణి – గ్రామీణ ప్రతిభకు స్ఫూర్తిదాయక గాధ
- కృషి, పట్టుదలతో అసాధారణ విజయం సాధించిన గ్రామీణ యువతి
- గ్రామీణ విద్యకు సరైన వేదిక లభిస్తే ప్రతిభ వికసిస్తుంది
- ఉద్యోగార్ధులకు స్ఫూర్తిగా నిలిచిన మంగారాణి సాధన
జ్ఞాన తెలంగాణ,వేలూరు పాడు: ఏలూరు జిల్లా, వేలేరుపాడు మండలం, కోయమాదారం గ్రామానికి చెందిన నాగుల మంగారాణి (రమణయ్య కుమార్తె) అసాధారణ విజయాన్ని నమోదు చేశారు. 2025 ఆగస్టు 22న వెలువడిన ఏపీ డీఎస్సీ ఫలితాలలో ఒకేసారి ఐదు ఉద్యోగాలు సాధించడం ద్వారా ఆమె కృషి, పట్టుదల ఎంత గొప్ప ఫలితాన్ని ఇస్తుందో నిరూపించారు.ఎస్.ఏ – మ్యాథ్స్ 1వ ర్యాంకు, ఎస్.ఏ – ఫిజిక్స్ 1వ ర్యాంకు, టి.జి.టి – మ్యాథ్స్ (ఇంగ్లీష్ మీడియం) 4వ ర్యాంకు, టి.జి.టి – 1వ ర్యాంకు, టి.జి.టి – సైన్స్ (ఇంగ్లీష్ మీడియం) 2వ ర్యాంకు సాధించడం ద్వారా మంగారాణి ప్రతిభను అందరికీ చాటారు. ఒకేసారి అనేక విభాగాల్లో ర్యాంకులు సాధించడం ద్వారా విద్యార్థి కష్టపడి పనిచేస్తే అవకాశాల తలుపులు ఎప్పటికైనా తెరుస్తాయని ఈ విజయం చెబుతోంది.సాధారణ కుటుంబం, గ్రామీణ వాతావరణం నుంచి వచ్చిన మంగారాణి సాధన గ్రామీణ యువతుల ప్రతిభను వెలుగులోకి తీసుకొచ్చింది. ఆధునిక వసతులు లేకపోయినా చదువుపై శ్రద్ధ పెడితే పట్టణ విద్యార్థులకంటే ఏమాత్రం తగ్గరని ఈ ఫలితాలు స్పష్టంగా చాటుతున్నాయి. ఆమె విజయం గ్రామీణ ప్రాంతాల నుండి వెలువడే ప్రతిభకు సరైన వేదిక లభిస్తే దేశానికి గర్వకారణమవుతారని స్పష్టంగా చూపిస్తోంది.మంగారాణి సాధన ద్వారా మరోసారి గ్రామీణ విద్యను బలోపేతం చేయాల్సిన అవసరం స్పష్టమవుతోంది. పాఠశాలల్లో సరైన వసతులు, నాణ్యమైన బోధన, ప్రోత్సాహం ఉంటే గ్రామీణ విద్యార్థులు మరెన్నో రికార్డులు సృష్టించగలరని నిపుణులు భావిస్తున్నారు. ప్రభుత్వం, సమాజం, విద్యాసంస్థలు కలసి గ్రామీణ విద్యను ప్రోత్సహిస్తే మంగారాణి లాంటి ప్రతిభావంతులు మరెందరో వెలుగులోకి రాగలరు. ఆ ప్రతిభ దేశ భవిష్యత్తుకు మార్గదర్శకంగా నిలుస్తుంది.మంగారాణి సాధన ఉద్యోగార్ధులకు స్ఫూర్తి. “కష్టపడితే విజయాన్ని అందుకోవచ్చు” అనే నమ్మకాన్ని ఆమె జీవితం మరింత బలపరిచింది. ఆత్మవిశ్వాసం, పట్టుదల ఉంటే కలలు నిజమవుతాయని ఆమె సాధన చెబుతోంది.“నా విజయానికి కారణం కష్టపడి చదవడం, మా కుటుంబం ఇచ్చిన తోడ్పాటు. ప్రతిభను నమ్ముకుని నిరంతరం శ్రమిస్తే ఎవరైనా విజయాన్ని అందుకోవచ్చు. ఈ ఫలితం మా గ్రామం, మా కుటుంబం గర్వించేటట్లు చేసింది. భవిష్యత్తులో పిల్లలకు మంచి ఉపాధ్యాయురాలిగా నిలవాలని నా కల.” అని మంగారాణి ఆనందం వ్యక్తం చేశారు.మంగారాణి తండ్రి రమణయ్య మాట్లాడుతూ – “మా కూతురు చదువులో ఎప్పుడూ శ్రద్ధ చూపేది. గ్రామంలోనే చదివినా కష్టపడి సాధించింది. ఈ విజయంతో మా కుటుంబం ఆనందంలో మునిగిపోయింది. గ్రామీణ ప్రాంతం నుండి కూడా ఎంతటి విజయాలు సాధించవచ్చో మంగారాణి నిరూపించిందిని తెలిపారు.
