కుల మత వర్ణ లింగ భేదాలు లేకుండా రాజ్యాంగం అందరికీ హక్కులు కల్పించింది

– బహుజన నాయకులు యం. శ్రావణ్ కుమార్

జ్ఞానతెలంగాణ,పెరిగి :భారత రాజ్యాంగ దినోత్సవం సందర్భంగా పరిగి పట్టణంలో భారత రాజ్యాంగ నిర్మాత డా బిఆర్ అంబేద్కర్ విగ్రహావిష్కరణ పూలమాలవేసి నివాళులు అర్పించడం జరిగింది,ఈ సందర్భంగా బహుజన నాయకులు శ్రావణ్ కుమార్ మాట్లాడుతూ భారత రాజ్యాంగ దినోత్సవాన్ని సంవిధాన్ దివాస్ గా పిలుస్తారని రాజ్యాంగాన్ని రచించిన అనంతరం 1949 నవంబర్ 26న భారత రాజ్యాంగ సభ రాజ్యాంగాన్ని ఆమోదించింది,ఇది 1950 జనవరి 26 నుండి అమల్లోకి వచ్చింది.భారత రాజ్యాంగం ప్రపంచంలోనే అతిపెద్ద లిఖిత రాజ్యాంగంగా ప్రసిద్ధి చెందిందని,దేశ పాలనను రూపొందించే ప్రాథమిక చట్టపరమైన పత్రంగా భారత రాజ్యాంగం అత్యంత ప్రాముఖ్యతను కలిగి ఉందని అన్నారు, కులమత వర్ణ లింగ బేధం లేకుండా ప్రతి ఒక్కరికి రాజ్యాంగం హక్కులు కల్పించిందని, భారత రాజ్యాంగం ద్వారానే నేడు అణగారిన వర్గాల ప్రజలు స్వేచ్ఛగా జీవిస్తున్నారని పేర్కొన్నారు,రాజ్యాంగ మౌలిక లక్ష్యం సామాజిక, ఆర్థిక, రాజకీయ న్యాయాన్ని అందరికీ అందించడమే అని అన్నారు, భారత రాజ్యాంగాన్ని కాపాడుకోవాల్సిన బాధ్యత దేశంలో ఉన్న ప్రతి ఒక్కరి పైన ఉందని పేర్కొన్నారు. ఈ కార్యక్రమంలో నాయకులు ఆనంద్ కంకంటి రాజేందర్ ప్రసాద్ అఖిల్ తదితరులు పాల్గొన్నారు