పరీక్షా కేంద్రాన్ని తనిఖీ చేసిన శంకర్పల్లి ఎంపీడీవో – పకడ్బందీ ఏర్పాట్లపై సంతృప్తి
పరీక్షా కేంద్రాన్ని తనిఖీ చేసిన శంకర్పల్లి ఎంపీడీవో – పకడ్బందీ ఏర్పాట్లపై సంతృప్తి
జ్ఞాన తెలంగాణ, శంకర్పల్లి: ఇంటర్మీడియట్ పరీక్షలు ప్రశాంతంగా మరియు నిబంధనల ప్రకారం నిర్వహిస్తున్న తీరును సమీక్షించేందుకు శంకర్పల్లి మండల అభివృద్ధి అధికారి (ఎంపీడీవో) స్థానిక శ్రీ చైతన్య జూనియర్ కాలేజీని సందర్శించారు. పరీక్షా కేంద్రాన్ని సమగ్రంగా పరిశీలించి, విద్యార్థులకు అందుబాటులో ఉన్న సౌకర్యాలను సమీక్షించారు.పరీక్షా కేంద్రంలోని మంచినీటి సదుపాయం, విద్యార్థులకు అవసరమైన మెడికల్ సహాయం, ఇన్విజిలేటర్ల పనితీరు, ఇతర అత్యవసర ఏర్పాట్లను క్షుణ్ణంగా పరిశీలించారు. పరీక్షల సమయంలో ఎలాంటి అవాంఛనీయ ఘటనలు జరగకుండా అధికారుల పర్యవేక్షణ కొనసాగుతున్నందున సంతృప్తి వ్యక్తం చేశారు. విద్యార్థులకు ఎలాంటి ఇబ్బందులు కలగకుండా ప్రశాంత వాతావరణంలో పరీక్షలు కొనసాగుతున్నందుకు శ్రీ చైతన్య కాలేజ్ యాజమాన్యాన్ని అభినందించారు.తహసిల్దార్ కార్యాలయం ఆధ్వర్యంలో ఏర్పాటుచేసిన సిట్టింగ్ స్క్వాడ్ సభ్యులతో మాట్లాడి, పరీక్షల నిర్వహణ విధానంపై వివరాలు తెలుసుకున్నారు. నిబంధనల ప్రకారం అన్ని ఏర్పాట్లు పకడ్బందీగా ఉండేలా అధికారులు చర్యలు తీసుకున్నారని ప్రశంసించారు.
శ్రీ చైతన్య జూనియర్ కాలేజీ డైరెక్టర్ రవీందర్ రెడ్డిని అభినందించిన ఎంపీడీవో, విద్యార్థులకు ఎలాంటి ఇబ్బందులు కలగకుండా క్రమశిక్షణతో పరీక్షలు నిర్వహించాలనే లక్ష్యంతో అన్ని ఏర్పాట్లు విజయవంతంగా అమలవుతున్నాయని పేర్కొన్నారు.
ప్రభుత్వం నిర్దేశించిన నిబంధనల మేరకు పరీక్షా కేంద్రాల్లో భద్రతా చర్యలు కఠినంగా అమలవుతున్నాయని, అవినీతికి తావులేకుండా సమర్థవంతమైన పర్యవేక్షణ జరుగుతోందని అన్నారు. ప్రశాంతమైన వాతావరణంలో పరీక్షలు జరిగేందుకు పాలకులు, అధికారులు సమిష్టిగా కృషి చేస్తున్నారని తెలియజేశారు.
