సత్తా చాటిన శంకర్ పల్లి మోడల్ జూనియర్ కాలేజ్ విద్యార్థులు
- జన్వాడ నుండి జాతీయ స్థాయికి – విద్యార్థుల విజయం కలలకూ కొత్త గమ్యం”
- ఎంఈసి లో మెరిసిన భార్గవి
- తమ విభాగాల్లో విద్యా ప్రతిభతో కళాశాలకు గౌరవం తెచ్చిన విద్యార్థులు
జ్ఞాన తెలంగాణ, శంకర్ పల్లి;
ఫలితాలు వచ్చిన ప్రతిసారి లక్షలాది విద్యార్థుల కష్టానికి కౌంట్‌ డౌన్ మొదలవుతుంది. కానీ ఈసారి… శంకర్‌పల్లి మండలంలోని జన్వాడ గ్రామం నుండి వచ్చిన ఓ యువతి తన ప్రతిభతో మోడల్ జూనియర్ కళాశాలకు పేరు తీసుకొచ్చింది. తెలంగాణ మోడల్ స్కూల్ అండ్ గవర్నమెంట్ జూనియర్ కళాశాలలో చదువుతున్న జోగు భార్గవి అనే విద్యార్థిని ఎంఇసి విభాగంలో 479/500 మార్కులతో మెరిసింది. ఆమె సాధన, లక్ష్యసిద్ధత, సమయపాలన చూస్తే – ఇది సాధారణ విజయమని చెప్పలేం. ఇది ఒక ప్రకాశవంతమైన తారగా మారిన విజయయాత్ర.
భార్గవికి మ్యాథ్స్, అకౌంటెన్సీ, ఓఫీస్ సీక్రటరీషిప్ వంటి సబ్జెక్టుల్లో ప్రావీణ్యం ఉంది. ఆ విషయాలను ఆమె మార్కులే ప్రసారించాయి. ఉపాధ్యాయులు గర్వంగా చెబుతున్నారు – “భార్గవి లాంటి విద్యార్థిని ఒక్కో దశలో ప్రేరణగా మారుతుంది. ఒక ప్రశ్నకో మిగిలినవాళ్లు డౌట్ తో ఉంటే భార్గవి ఆ ప్రశ్న వెనక ఉన్న సిద్ధాంతం వివరించేదని తోటి విద్యార్థులు అంటున్నారు.
కళాశాల నుండి వెలువడిన మరో గొప్ప పేరు మన్మిత రెడ్డి. ఎంపీసీ విభాగంలో 417/470 మార్కులతో మంచి ప్రదర్శన కనబరిచింది. ఫిజిక్స్, కెమిస్ట్రీ, మ్యాథ్స్‌లో ఆమె శ్రద్ధ, క్లాస్‌లో ఎదురయ్యే క్లిష్టమైన సూత్రాలను కూడా సాధారణంగా అర్థమయ్యేలా చెప్పే తీరుతో ఉపాధ్యాయుల మన్ననలు పొందింది.
అలాగే బైపీసీ విద్యార్థి దనీష్ 329/440 మార్కులతో తన స్థాయిలో మంచి అభివృద్ధిని చూపించాడు. బయాలజీ ప్రాక్టికల్స్‌లో అతని నైపుణ్యం గమనార్హం. చిన్న పరిశోధనలకైనా ఆసక్తితో ముందుండే అతను, జంతు జీవశాస్త్రంపై చక్కటి అవగాహన కలిగి ఉన్నాడు.
సెకండ్ ఇయర్ ఎంపీసీ విద్యార్థి సంజయ్ 817/1000 మార్కులతో తన కాలేజీ తరపున నిలబడ్డాడు. గణితశాస్త్రంపై అతనికి ఉన్న లోతైన పరిజ్ఞానం, ప్రాబల్యం పరీక్షలలో స్పష్టంగా ప్రతిబింబించిందని ఉపాధ్యాయులు చెబుతున్నారు.
ఈ సందర్భంగా కళాశాల ప్రిన్సిపాల్ శోభారాణి మాట్లాడుతూ – “విద్యార్థుల ప్రతిభ మన కాలేజీకి గర్వకారణం. వారు తమ లక్ష్యాలను నిశ్చయంగా సాధిస్తున్నారు. వారి శ్రమ, తల్లిదండ్రుల ప్రోత్సాహం, ఉపాధ్యాయుల మద్దతు ఈ ఫలితాల వెనుక ప్రధాన కారకాలు,” అని అభిప్రాయపడ్డారు.
ఈ విద్యార్థులు సాధించిన ప్రతిభ ఊహించని విధంగా, ప్రాంత విద్యావ్యవస్థలో ఒక వెలుగైన అధ్యాయంగా నిలిచింది. తమకు ఉన్న అవకాశాలను పూర్తిగా వినియోగించుకొని విజయం సాధించిన ఈ విద్యార్థులు రాబోయే రోజుల్లో మున్ముందు గొప్ప స్థానాల్లో కనిపించడంలో సందేహమేలేదని ప్రిన్సిపల్ శోభారాణి తెలియజేశారు.
