చట్ట విరుద్ధంగా ఏడుళ్ళుగా జీతం తీసుకున్న సెబీ చైర్మెన్ మాధవి పూరీ !
చట్ట విరుద్ధంగా ఏడుళ్ళుగా జీతం తీసుకున్న సెబీ చైర్మెన్ మాధవి పూరీ !
- డాక్టర్.కోలాహలం రామ్ కిశోర్. 9849328496.
సెబీ చీఫ్ మాధవి పూరీ మరోసారి అవి నీతి ఆరోపణలను ఎదుర్కొంటుంది.ఈ విషయంలో ఆమె పై విపక్ష కాంగ్రెస్ మరోసారి సంచలన ఆరోపణలు చేసింది. గతంలో సెబీ సభ్యురాలు హోదాలో ప్రస్తుతం సెబీ చైర్మన్ హోదాలోనూ ఆమె ఐసిఐసిఐ నుంచి జీతం తీసుకుంటున్నారని ఆరోపించింది.ఇప్పటిదాకా ఆమె ఐసిఐసిఐ నుండి రూ.16.8 కోట్ల మేర జీతాలు చట్ట విరుద్ధంగా పొందారని, ఈ మొత్తం సెబీ నుంచి ఆమె తీసుకుంటున్న జీతానికి సుమారు ఐదు రెట్లు ఎక్కువ అని పేర్కొంది. ఇది సెబీ ఆక్ట్ (ఎంప్లాయిస్ సర్వీసెస్ )లోని 54వ సెక్షన్ ను ఉల్లంఘించినట్టేనని కూడా పేర్కొంది. 2017 ఏప్రిల్ 5న ఆమె సెబీ పూర్తిస్థాయి సభ్యురాలు అయ్యారని, అప్పటినుంచి ఐసిఐసిఐ సంస్థ నుంచి కూడా ఆమె జీతం పొందుతున్నారని కాంగ్రెస్ పేర్కొంది. చైర్పర్సన్ సభ్యులను ప్రధాని ఆధ్వర్యంలో ఓ ప్రత్యేక కమిటీ నియమిస్తుందని అందుకే ఈ ఘటనపై ప్రధాని మోదీ వివరణ ఇవ్వాలని డిమాండ్ చేసింది. ఈ విషయం మీద కాంగ్రెస్ నేత పవన్ ఖేరా ఢిల్లీలోని ఏఐసిసి కేంద్ర కార్యాలయంలో మాట్లాడారు.సెబీ చైర్ పర్సన్ హోదాలో మాధవి పూరి ఐసిఐసిఐ బ్యాంకు నుంచి 2016- 2021 దాకా రూ.12.63 కోట్ల జీతం తీసుకున్నారని, 2017-24 మధ్య ఐసిఐసిఐ ప్రుడెన్షియల్ నుంచి రూ.22.41 లక్షలు జీతం గా తీసుకున్నారని, 2021- 23 మధ్య ఐసిఐసిఐ ఈఎస్ఓపి (ఎంప్లాయిస్ స్టాక్ ఆప్షన్ ప్లాన్) నుండి రూ. 2.84 కోట్లు పొందారని, 2021-23 మధ్య ఐసిఐసిఐ నుంచి రూ.1.10 కోట్ల మీద టీడీఎస్ మినహాయింపులు పొందారని ఆరోపించారు.కాగా చైర్ పర్సన్ గా ఉన్న మాధవి, ఐసిఐసిఐ బ్యాంక్ నుంచి జీతం తీసుకుంటున్నారన్న విషయం ప్రధానమంత్రి మోడీకి తెలుసా? అని కాంగ్రెస్ పార్టీ జాతీయ కార్యదర్శి జై రామ్ రమేష్ ట్విటర్ వేదికగా ప్రశ్నించారు.
అదాన్ని గ్రూపు సంస్థల మీద సెక్యూరిటీల చట్టం ఉల్లంఘన ఆరోపణలపై దర్యాప్తును సుప్రీంకోర్టు సీబీఐకి అప్పగించడంతో సెబీ చైర్ పర్సన్ గా మాధవి పూరి పరస్పర విరుద్ధ ప్రయోజనాలకు పాల్పడే అవకాశం ఉందని ఆయన ఆందోళన వ్యక్తం చేశారు. కాగా, కాంగ్రెస్ ఆరోపణలను ఐసీఐసీఐ ఖండించింది.మాధవి 2013 అక్టోబర్ 31న ఉద్యోగ విరమణ చేశాక ఆమెకు ఎలాంటి జీతం కానీ ఇవ్వలేదని స్పష్టం చేసింది.దీనిపై కేందిర ప్రభుత్వం క్షుణ్ణంగా విచారణ జరిపి ఈ విషయం నిజమైతే తగిన చర్యలు తీసుకోవాలనీ ప్రజా సంఘాల నుండి ప్రధానికి విజ్ఞప్తులు అందుతున్నాయి.
