వెంటనేఉపాధ్యాయులకు రెమ్యూనరేషన్ చెల్లించాలి టిఆర్ఎఫ్ జిల్లా అధ్యక్షులు కొమ్ము లోకేశ్వర్ ప్రధాన కార్యదర్శి జామ కుషాల్
జ్ఞానతెలంగాణ,రంగారెడ్డి : ఏడాది గడుస్తున్నా ఇప్పటి వరకు ఎస్ఎస్సి స్పాట్వా ల్యువేషన్ లో ఏ ఈ, సి ఈ, స్పెషల్ అసిస్టెంట్ ఇతర విధులు నిర్వహించినఉపాధ్యాయులకు ఏడాది గడుస్తున్నా నేటికి రెమ్యూనరేషన్ చెల్లించలేదని వెంటనే చెల్లించాలని టిఆర్ టి ఎఫ్ జిల్లా అధ్యక్షులు కొమ్ము లోకేశ్వర్ ప్రధాన కార్యదర్శి జామ కుషాల్ జిల్లా ఏ డి గారికి వినతిపత్రం బుధవారం అందజేశారు. ఈ సందర్భంగా జామ కుషాల్ మాట్లాడుతూ ఈ విద్య సంవత్సరానికి సంబంధించిన ఎస్ ఎస్ సి పరీక్షలు ఏప్రిల్ మొదటి వారంలో పూర్తి కానున్నాయి. ఆ వెంటనే మూల్యాంకణం కూడా ప్రారంభం కానున్నది ఈ నేపథ్యంలోరెమ్యూనరేషన్ డబ్బులు సత్వరం చెల్లించని పక్షంలో ఉపాధ్యాయుల మనోభావాలను పరిగణలోకి తీసుకొని ఈ సంవత్సరం ఎస్ ఎస్ సి స్పాట్ విధుల బహిష్కరణ కు తెలంగాణ రాష్ట్ర టీచర్ ఫెడరేషన్ సంఘ పక్షాన పిలుపు ఇవ్వవలసి వస్తుందన్నారు. కావున స్పాట్ రెమ్యూనరేషన్ డబ్బులు సత్వరం చెల్లించాలని సంఘ పక్షాన డిమాండ్ చేశారు.
